Popular Bible Verses from Ioane 6

ಶೇರ್

Iesu neido naiba iaowa: Movia kiiro douri. Dubu nou moido airorohodioro, hiwio auwoha nou dou niro biahai; wia dubu nou moido airiraromodioro, hiwio auwoha nou obo niro biahai.

Urioro nou kiiro kowairi, gohoro na ata ododiai raihe; Nouri wade mo rioido nou niao neivia Uriori wia kiirori.

Kihona oropoiiomowa rioo iwaatimo aue, kihona nei kiaa tuturi kiiro karae karaeito rioo nouri taiwaatimo, nouri kihona Oubiha‐merero rioido aiwaimaati, mabu nouri Iehova, nou Urio Abeari, nouro nouido tau emapoi.

Wia nouri mo Abea niro nari, nouri oubi amida nei Mereo airiauridumo wia nouido airiraromodiodumo neiio kiiro karae karae aiwaimo‐irahooi wia dooudo hiwio’i moro nei ainaitorai.

Iesuro naibaha imowameai neido naiba iaowa: Nouri Iehova kiwaati na’i, dubu nouro tau otiodoiro rio nouido tararomodioumo.

Oubi auwoha Abearo moido ainauro‐emaati, neiio moido aiwaumo‐orohoi wia dubu nou moido o’uwa moro ahoiuti raihe.

Simona, paina ata Pita, nouido naibaha omowameai: Pai‐dubu e, Imo boti dubuido araiwaimoi? Ro na’uri kiiro karae karae wadei airiworoho.

Movia kiiro douri, toboroudo tau no’uro. Ina dubu ata nouri dou ihowa, hiwio auwoha nou kiiro kemidio kemidio tuturi wia nouri dou moro ainaimaati nouvia mo gohori, nouri moro ainaimamaati batibati auwoha kiiro iwai.

Ina Abea, mo nouro notiodoiro, dubu ata ouwou biahai, dubu nouri moido o’u raihe; ina nou o’uwa dooudo hiwio’i moro nou ainaitorai.

Mabu nouri dubu nou toboroudo airo’uro wia batibatito auwoha kiiro nouro airimaatiro, nouri Iehova douri.

Movia kiiro douri.

Wia Iesuro dou kopi naibaha emidai ina nou naibaha emabiti nou himia kitomudio mereido nouro naibaha imaatiwa wia neiio kemidio oubi auwoha naibaha imiowaumo wia na ramu nei modoboha imiowaumo. Ina nei niro naibaha iapeuti, nou himia kitomudio mereido nou naiba aro: Auwoha kiaho dou nia’ei rioo taimeiumo ata na’u aratoai tore.

Ina nei tutu aibo abidioumo, neiio Iesu naibaha eauriumo, auwo turiwa da’uro wia peito nou naibaha otaumai wia nei tore iatiwaumo. Wia nou neido naiba iaowa: Mo nouri, tore moa.