Popular Bible Verses from Lukas 23

ಶೇರ್

Yesus basombayang, “Bapa, kase ampung akang pa dorang lantaran dorang nintau apa tu dorang da beking.”] Kong dorang cabu lot for dapa tu Yesus pe baju.

Yesus manyao pa dia, “Kita bilang pa ngana, sebenarnya ni hari jo, ngana mo ada sama-sama deng Kita di dalam sorga.”

Trus dia bilang pa Yesus, “Yesus, inga akang dang pa kita kalu nanti datang sbagai Raja.”

Kong Yesus babicara deng suara kuat, “Bapa, Kita srahkan tu Kita pe nyawa pa Bapa.” Abis bilang bagitu Yesus mati.

Serta dorang so sampe di satu tampa tu de pe nama Tengkorak, dorang se salib pa Yesus di situ. Tu dua orang jaha itu lei da se salib di sabla pa Yesus, tu satu di sabla kiri kong tu satu lei di sabla kanan. [

Waktu kira-kira so jam dua blas siang, tu sluru daera itu jadi glap sampe jam tiga sore. Soalnya waktu itu matahari brenti basinar. Kong tu kaeng pampele basar yang da se gantong for pele tu ruang Mahasuci di Ruma Ibada Pusat tarabe jadi dua.

Waktu tu perwira Romawi lia apa tu da jadi, dia puji deng hormat pa Tuhan Allah kong dia bilang, “Memang butul, Dia ini Orang yang nyanda beking sala apa-apa!”