Popular Bible Verses from Lukas 19

ಶೇರ್

Soalnya tu Anak Manusia datang for cari tu orang-orang yang jao dari pa Tuhan Allah, kong se slamat pa dorang dari hukuman dosa.”

Dorang bilang, “Puji jo pa Dia tu da datang sbagai Raja, yang da datang dalam nama Tuhan! Skarang manusia so bole baku bae deng Tuhan Allah tu ada di sorga, kong puji deng hormat jo pa Dia di tampa mahatinggi!”

Yesus bilang, “Ni hari, samua orang yang ada di ruma ini so slamat dari hukuman dosa lantaran ni Zakheus so se tunjung kalu dia itu butul-butul Abraham pe keturunan.

Waktu Yesus sampe di dekat pohong ara itu, Dia bahaga ka atas kong babilang, “Zakheus, capat jo turung! Soalnya ni hari Kita musti manumpang pa ngana pe ruma.” Pe dengar itu, Zakheus iko turung, kong dia trima Yesus pa de pe ruma deng snang hati.

Kong Zakheus badiri trus babilang pa Tuhan Yesus, “Bapak, co lia, kita mo kase pa orang miskin tu stenga dari kita pe kepunyaan. Trus pa sapa jo yang perna kita da peras akang for dapa doi, kita mo se bale ulang pa dia sampe ampa kali lipa.”

Mar ada bebrapa orang dari golongan Farisi di antara orang banya itu babilang pa Yesus, “Guru, togor akang tu orang-orang yang ja iko-iko pa Guru supaya badiam.” Mar Yesus cuma bilang pa tu orang-orang dari golongan Farisi itu, “Kita bilang pa ngoni, kalu tu orang-orang itu badiam, tu batu-batu ini yang mo bataria puji-puji pa Kita.”