Popular Bible Verses from Indjil Mattheus 13

ಶೇರ್

Maka dija itu, jang dehamburkan di tanah jang bajik, itu dija jang dengar perkataän dan mengarti itu, dan lagi berbowa dan kasi, ada jang saratus, ada jang anam puloh, ada jang tiga puloh.

Tetapi barang sijapa dehamburkan antara duri‐duri, itu dija, jang dengar perkataän, dan kasusahan dunja ini dan segala manisu kakajaän tutop tindis perkataän itu, dan tijada kasi bowa.

Djikalaw barang saäwrang dengar perkataän karadjaän itu, dan tijada mengarti, bagitu djuga berdatang jang kapista itu rampas tjabot barang jang tertanam di dalam hatinja; itu dija jang dehamburkan sapandjang djalan.

Maka dija itu jang sudah dapat dehamburkan di tampat bakarang, ada dija itu jang ada dengar perkataän dan pada sabantar djuga tarima itu dengan kasukaän; Tetapi itu tijada berakar di dalam dija, tetapi tinggal sedikit waktu sadja, karana serta kasusahan dan penindisan ada datang tagal perkataän, sabantar‐sabantar djuga ija djadi bimbang.

Lagipawn karadjaän sawrga ada sarupa satu harta benda, jang tersembunji di dalam tanah duson, jang terdapat awleh saäwrang manusija, dan tutop sembunjikanlah itu, dan dengan kasukaän hatinja pergilah ija djuwal segala sasawatu jang ada padanja, dan belilah duson itu djuga.

Tetapi saparaw bahagian djatohlah di tanah jang bajik, dan sudah kasi bowa, ada jang saratus, ada jang anam puloh, ada jang tiga puloh banjaknja.

Kasi tinggal duwa‐duwa garser, sampe waktu potong bowa‐bowa, maka pada waktu potong bowa‐bowa béta akan bilang pada awrang‐awrang potong bowa: Kompol‐pileh dihulu rompot‐rompotan dan ikat itu djadi bungkus akan membakar itu, tetapi kompolkanlah kamu gendom itu di dalam rumah simpanganku.