Popular Bible Verses from EVASELIO A SOANE 6

ಶೇರ್

Nee ui leva e Sesu kia natou: Ko au ko te pane o te mauli. Ko ae e hau kia au, e mole toe fia kai anai ia, pea ko ae e tui kia au, e mole toe fia inu anai ia.

Ko te Laumalie ae e ina fakamauli. Ko te kakano e mole aoga ki he mea. Ko te u folafola nee au fakaha atu kia koutou e natou Laumalie pea e natou mauli.

Koutou gaue, aua ki te meakai ae e maumau, kae ki te meakai ae e tologa ki te mauli heegata, te meakai ae e foaki atu anai e te Foha o te tagata kia koutou; he ko ia ae nee fakailoga e te Tamai, e te Atua totonu, aki tona fakailoga.

Ko te finegalo a taku Tamai, e ko ia ae e sio ki te Alo pea e tui kia ia ke ina mau te mauli heegata, pea ke au toe fakatuuake ia i te aho fakamuli.

Nee tali leva e Sesu kia natou: Ko te gaue a te Atua, ke kotou tui kia ia ae nee ina fekaui mai.

Ko natou fuli ae e foaki mai kia au e taku Tamai e natou omai anai kia au, pea e mole au tuku anai ki fafo ia ae e hau kia au.

Nee tali leva e Simone Petelo kia ia: Aliki, ke motou olo anai kia ai? E ke mau te u folafola o te mauli heegata.

Ko au ko te pane mauli ae nee hifo mai te lagi. Kapau e kai he tahi ki te pane aeni, e mauli anai ia o heegata; pea ko te pane ae e au foaki anai, ko toku kakano, ae e au foaki anai ki te mauli o te malamanei.

E mole feala ke hau he tahi kia au, mo kapau e mole taki mai ia kia au e taku Tamai ae nee ina fekaui mai au; pea e au toe fakatuuake anai ia i te aho fakamuli.

koteuhi ko te pane a te Atua e ko ia ae e hifo mai lagi o foaki te mauli ki te malamanei.

Ko au ko te pane o te mauli.

Nee too leva e Sesu te u foi pane, o fakafetai, pea nee ina tufatufa leva natou kia natou nee nonofo i lalo; nee ina toe foaki age fena kia natou ni ika, o fakalogo ki tonatou loto. I tanatou makokona, nee ina ui leva ki ana tisipulo: Koutou tanaki te u toega kai ke aua naa maumau he mea.

I tanatou tauaalo nee kua natou mamao mai te kele i ni kilometa e tolu pee ono ape, nee natou sisio leva kia Sesu nee haele age ia i te fuga o te tai, o fakaovi age ki te vaka. Pea nee natou matataku leva. Kae nee ui age leva e Sesu kia natou: E ko au, aua takotou mataku!