Popular Bible Verses from Luka 14

ಶೇರ್

“Zo ko la aye gangɔ ge tɛ mbi ya, ni ti va mbi ko, ale bɛ lo akɛ̃ to lo na ta lo, na ya lo, na aya lo, nga na ayata lo ti kɔli na ti wali, ko ale bɛ lo akɛ̃ nga tɛrɛ lo nvɛni.

Ale zo ayɔ krusi tɛ lo so fangɔ ya, ni ye hũngɔ pɛnɔ, ko lo ga nga ya, e na ni e ɔ ndoni kɔi. Ta so ma ko, ta lo lengbi ti tingɔ va mbi ma.

Ta sanga ma, zo zu ko la ndoyakɛ tɛrɛ lo ko, Nzapa na zungɔ na lo. Wa zo zu ko la ndobi tɛrɛ lo ko, Nzapa na yangɔ lo.”

Yezo apa nga ya: “Se mɛ nga se ta ĩ dɔ aye tɛ ĩ kwɛ zu ĩ zia ma ko, ta zo kɔi na popo tɛ ĩ na tingɔ va mbi ma la.”

So popo tɛ ĩ, se mbanga zo aye wangɔ da mɛ ganguruni ko, ale lo du tise uzu, lo binga bɛ lo ya, faranga ti wangɔ na da ni alengbi ti dungɔ kɛ̃. Lo na bingangɔ bɛ lo nga so, so bangɔ ya, bere ni na faranga gba so onzingɔ na kwa ti da ni. Ta so ma, se lo pia lo kpã gu gɛrɛ da ni, wa so pɛni, se ta lo onzi ma ko, azi zu ko la ahũ da ni ko, ae lo. Ala na pangɔ ya: ‘Zo olo ato ndo nda wangɔ da, ko lo ha onzingɔ kwa ni gba!’

Kanda ngoi ko la mɔ tɔ tɛ ti kota yenga ko, ili awa yɛlɛ, na awa pɛnɔ, na awa zɛ̃ nga na awa ziba. Mɔ na dungɔ na dengɔ bɛ, ta sanga ma, ye mɛ mɔ hɛ̃ la atɛ ko, ta ala lengbi ti diringɔ na ni hɛ̃ mɔ ma. Nzapa adiri na ni gbanda hɛ̃ mɔ, na ngoi mɛ gbanda lo so azi mɛ ndo awa lingɔ nzɔ̃ ye.”

Yezo apa ya: “Hĩngɔ adu nzɔ̃ ye. Wa se sɔngɔ ti hĩngɔ awɛ ko, kɔdɛ mɛ ali, ko hĩngɔ ni ati sɔ sia? Ta kɔdɛ ni da ma. Ta hĩngɔ ni ti dɛ nzɔ̃ni ya, alɛkɛ na sese, alɛkɛ na goga, ko asu nga na tɛ ma, kanda na sangɔ ni gegi. Zo ko la ma lo adu da ko, ale lo ma!”