Popular Bible Verses from Yn. 21

ಶೇರ್

Enyuma we khulia, Yesu areeba Simoni Petero ali, “Simoni, okhwa Yoana, ewe wasiima ese khukhila babaandi bano ku?” Akobosia ali, “Yee Omwami, ewe Omanyile oli ese nakhusiima.” Yesu amuboolela ali, “Liinda kamameeme kase.” Lukhola khabili Yesu areeba Petero ali, “Simoni okhwa Yoana, ewe wasiima?” Amukobosia ali, “Yee Omwami, ewe Omanyile oli ese nakhusiima ewe.” Yesu amuboolela ali, “Liinda kamakheese kase.” Lukhola khataru Yesu amureeba ali, Simoni okhwa Yoana, ewe wasiima ese. Petero akhalala sikila Yesu amureebire lukhola khataru ali, “Ewe wasiima ese ku?” Nio amuboolela ali, “Omwami ewe omanyile buli siindu, ewe omanyile oli nakhusiima!” Yesu amuboolela ali, “Liisia kamakheese kase.

Ndikho khuboolela bung'ali: Nga ne waba nosiili omuele, werekekhanga mala ocha osi osi niio wenyanga khucha, ne kakhali nga okhasaakhuluwe, okhareo kamakhono kowo mala omundu okundi akhakhuboe mala akhuyile niio ewe okhenya khucha tawe.”

Ababoolela ali, “Mwata lutimba lwenywe lubeka luseecha lwe liliaaro, mala mulatilakho chindala.” Nio bamwaata lutiimba, mala khunyala khulukhwesa lukobole mu liaaro tawe, sikila baba batilile ching'eeni chingali po.

Simoni Petero aboolela babaandi ali, “Ndikho nja khunaaba.” Bamuboolela bali, “Khulacha ne nawe.” Nio bacha khu liaaro khu nyanja, ne siilo esio siosi, se banyoolakho eng'eeni tawe.