Popular Bible Verses from Yoana 15

ಶೇರ್

“Ayong ngesi ekitoe, esi ngaten. Itwaan cha daang ni iboikin tooma kang, nabo ayong tooma keng, ekoniuni ageor nakaalan, kainyo emam ibore isubete esi amam ayong.

Kiboikinos nikang, eboikin ayong nikus atarata ngipei. Nyekoniuni ateni bon, ekoniuni erai kemin lokitoe, aloger alopei kangolo, nyikoniunete esi ageor pekipean nikang.

Ani kipena esi tooma kang, nabo pena ngakiro kang tooma kus, kilipas ibore daang ni isakete nakaneni kiinakinio.

Nyeseuna esi ayong, kaseu ayong esi sodi atama toloto lotich, tokoniut ageor nakaalan na nyedaun. Sodi kiinakinea Apa esi ibore daang ni ilipasi esi a ekiro kang.

Emam amina naapolon na idwangit na ejalea itwaan akiyar keng kotere ngipaalon keng.

Echakari ngesi ateni daang na eyei tooma kang na nyekoneene, nabo igiaragiarari ngesi ateni daang na ekoneene, sodi kilijaunea tokonio nabo ageor ache.

Etal lokadungokinit ayong esi ngesi lo, tominakinos make loger lokaminar ayong esi.

Kotere nguna, ipuruunio Apakang ani ikoniuneto esi ageor nakaalan, nabo aloger kangolo, iraunete esi ngirukitos kang dir.

“Ayong ngesi arai ekitoe a emusabib lo a iteni lo akoniuni ageor, Apakang ngesi eketan.

Itwaan cha daang ni nyiboikin tooma kang, echakario loger a ateni toon. Ngaten na aoko ikote nguna, echununio tachakakinae nakim, kinomae.

“Kalimok ayong esi nugu sodi minio alakara kang nikus, nabo talakaros esi noi.

Ani kirichakis esi ngitalio kang, kaminakini ayong esi dir loger lo ewapitor ayong ngitalio ka Apakang sodi katominak ngesi ayong.

Kadungok ayong esi nugu atamar tominakinos esi make.

Arai taraakas esi ngitunga a akwap, kiminasi esi ngitunga kainyo ikote esi kesi. Nakaneni kaseuni ayong esi anakwap kana, meere esi ngitunga a akwap kana, erai ibore ngini ngesi kiremokinotor esi ngitunga a akwap.