Popular Bible Verses from Matiu 21

ಶೇರ್

Be kimiu gim binihimwasigi alun God, havanau tehe be gim navohia lol nomiu tataro, vi laia lalai kimiu.”

Haḡe Jisas mwa bwaliura be, “Nam bev mwasigi lalai kimiu be, be nomiu binihimwasigi si wasi, i si hav vinihi te gairuruai, gis lol dum ginau kunia gabe nan lolia lalai gai vik gea. I mulei gis vev dumwia lalai vusi geki be, ‘Tomare ba bohainigo lol tahi,’ i vi vora kunia.

Sinombu be ram domuainia i sinombu gabe ram du ataguna ram haharigi be, “Uloi roron Nitun Deved! God na vatavuhainia gabe mwa mai la ihana! Uloi roron God mwa do amare!”

Haḡe mwa bevea be, “God mwa bevea lol Ravrava Sabuga be, ‘Imwaḡu vi uloiana gi Imwa huri Tataro,’ itake kimiu gim lolia gi imwan atat surasura.”

“Giv vevea lalainira ata Saion be, ‘Giv gitae! Nomiu Ratahigi lavoa mwa mai huri kimiu. Kea mwa binihi maḡemuinia, mwa lago alun don̄ki, alun bwaloi don̄ki.’ ”

Haḡe Jisas mwa bevea lalainira be, “Matu gim hav vasogo tehe lol Ravrava Sabuga be mwa bevea be, ‘Gai mahan̄an imwa gabe kera ran vohai kaburainia kadogaha mwa bora mwasin gain imwa. Ginau gea Ratahigi sibona nu lolia, ginau dan̄an̄a la lolmatamai!’

“Bwatuna gea, nam bevea lalai kimiu be God vi lai dagai nin kimiu rahuan gara gabe kea mwa ratahigi alolona, i vi laia lalainira gabe rav vwae mwasin vwaina.