Popular Bible Verses from MARK 13

ಹಂಚಿಕೊಳ್ಳಿ

Kpukpru owo eyenyuŋ esua mbufo kabaŋa enyiŋ Mi. Edi eyenyaŋa owo eke edimede ime tutu osim akpatre.

Mbufo etiŋ enyin ese, ekpeme, enyuŋ ebɔŋ akam; koro mbufo mifiɔkke edikem ini.

Ndien ke ini edidade mbufo eyak enɔ ikpe, ekubem iso etimere esit ekere ebaŋa se mbufo editiŋde, edi ikɔ ekededi eke edinɔde mbufo idaha oro mbufo etiŋ. Koro idige mbufo etiŋ, edi Edisana Spirit.

Enyɔŋ ye isɔŋ eyebe efep, edi ikɔ Mi idibehe ifep.

Edi baba owo kiet ifiɔkke ibaŋa usen oro mme hour oro, kpa mme angel ke heaven, Eyen inyuŋ ifiɔkke, ibɔhɔke Ete ikpɔŋ.

Edi adaŋemi mbufo edikopde ebaŋa ekɔŋ ye etop ekɔŋ, ekuyak esit etimere mbufo; mme ŋkpɔ emi enyene ndiwɔrɔ, edi idige utit kaŋa

Mbufo ekpeme ndien; koro mbufo mifiɔkke ini eke ete-ufɔk edidide, me ke mbubreyo, me ke ufɔt okoneyo, me ke ini ekikɔ ɔkpɔkde, me ke usiere; mbak enye edidi ke mbuat edikut mbufo nte edede. Se ndɔhɔde mbufo, mmonyuŋ ndɔhɔ kpukpru owo nte, Ekpeme.

Koro idut eyedaha aŋwana ye idut, obio edidem kiet eyenyuŋ adaha aŋwana ye obio edidem efen, unyek-isɔŋ eyenyuŋ edu ke nsio-nsio ebiet; akaŋ eyedu: mme ŋkpɔ emi edi ntɔŋɔ ubiak-uman.

Ndien enyene ndibem iso ŋkwɔrɔ gospel nnɔ kpukpru mme idut.

Ediwak owo eyedi ke enyiŋ Mi, ete, Ami ndi Enye; eyenyuŋ eda ediwak owo ewaha ekpɔŋ usuŋ.

Edi mbufo ekpeme idem mbufo; koro eyeyak mbufo esin ke ubɔk esop, eyenyuŋ emia mbufo ke mme synagogue; mbufo eyenyuŋ eda ke iso mme andikara ye ndidem kabaŋa Mi, man edi ntiense enɔ mmɔ.

ekunim ke akpanikɔ; mme Christ nsu ye mme prophet nsu eyewɔrɔ edi, eyenyuŋ ewut mme idiɔŋɔ ye mme utibe ŋkpɔ, man, edieke mmɔ ekpekemede, eda ndimek ikɔt Abasi ekpɔŋ usuŋ.

Edi ke mme usen oro ke ini ukut oro ama ebe, utin eyekabare okim, ɔfiɔŋ idinyuŋ inɔŋɔ uŋwana esie, mme ntantafiɔŋ eyeyuŋ eto ke ikpa-enyɔŋ eduɔŋɔ, eyenyuŋ enyeŋe mme odudu ikpa-enyɔŋ.