Popular Bible Verses from LUKA 7

ಶೇರ್

Nalakena tea wanogoe a noa ki‐go, naga Namarinaleosaana aneana maga waina eu laapa eu pei tea midoakikorokoroana; nalakena e dodomi p̃arua: ma naata waina tea kiki e maneana pei tea midoakikorokoroana, e dodomi kiki. Go e noa ki nia, e naga, Namarinaleosaana anigo maga eu pei tea midoakikorokoroana.

Go e noa ki nagoroi wanogoe, e naga, Nasaralomauana anigo e po mauti pauri ko; p̃a vaki natam̃ateana pano.

go e lawodu natakuna pisari nam̃elena maga, po dagi, po pae asa pue nam̃elena maga ki naririmatana maga, go e kasi ra ki nalolu ni nap̃auna, go e dum̃idum̃ili nam̃elena maga, po puvurai ki da ki naroro lolo wanogoe.

nalakena tea wanogoe a da dum̃agu midoa ki nau naga a p̃ia naga aga valoti punusi ko mau: ma p̃a noa navasaana sikai, go natureai aginau ega wo pei tea maripauriana. Nalakena kinau ma a pei naatam̃oli sikai waina a pei tea lawokiana etano ki naveinawotaana, go a peani naatam̃oli ni navakalo seara etano ki nau: go a noa ki sikai, a naga, P̃a vano, go e pano; go a noa ki tea p̃ota sikai, a naga, P̃a umai, go e umai; go a noa ki tea suasua aginau, a naga, P̃a mari tea waia, go e mari a. Go ragi waina Yesu e dogo tea maga wanogoe, e maga asa, po dum̃ana doa e po noa ki taua ni naatam̃oli maga waina eu dausi a, e naga, A noa ki mu, naga A ko da pap̃ai nasaralomauana warua dapalana Israel mau.

Aura wanogoe e mari pauri tea laapa m̃elu dua ki nasasanaana maga go ki tea ni navaratiana maga go ki naatana sa maga; go e dodomi tea kesa laapa ki naleosaiana. Go e pasa dara po noa ki da, e naga, Koroga vano, po dogorogo paki Yoane ki tea maga waina ku po punusi ra po dogo ra; tea kesa maga eu moro leosai, tea vei pito maga eu surata, tea vei lepero maga eu pei tea mariana eu dautau, go tea p̃aro maga eu dorogo, tea mate maga eu pei tea sikeana eu duleana, tea tika maga narogorogoana wia e pei tea rogorogokiana paki da.