Popular Bible Verses from San Lucas 19

ಶೇರ್

Ta ye̱he̱, da̱ na̱chindahá Ndióxi̱ nduu ña̱yivi na̱quixi i̱ ndinducú u̱ na̱ xíca nuu cája cua̱há cua̱chi jáchi̱ ca̱cu ndaa ínima̱ ná cúni̱ —na̱cachi Jesús xi̱hi̱n ná ta já na̱quee a cua̱ha̱n tucu a íchi̱ chí ñuu Jerusalén.

Já cáchí na̱ já cáyuhú na̱: —Ndicáhnu na̱há ná cacuu da̱ cómí cuéntá sa̱ha̱ yo̱ yóho jáchi̱ cúú dá da̱ va̱xi yuhú nu̱u̱ Ndióxi̱. Viti cáji̱i̱ ini na̱ ndúu indiví. Cáhnu ná cacuu Ndióxi̱ —cáchí na̱ cáyuhú na̱.

A̱nda̱ já na̱cachi Jesús já xi̱hi̱n ná: —Qui̱ví viti cája cáhnu ini Ndióxi̱ sa̱há cua̱chi da̱ yóho xi̱hín cua̱chi na̱ vehe da jáchi̱ xi̱hín ña̱ na̱caja da̱ yóho viti náha̱ ña̱ mé a̱ nda̱a̱ cándeé ini da Ndióxi̱ tá quia̱hva na̱caja Abraham.

Ta tá na̱ya̱ha Jesús yati sa̱ha̱ yíto̱ cán já na̱ndiñehe nu̱u̱ á nu̱ cánúu da̱ cán. Já na̱cachi a já xi̱hi̱n dá: —Zaqueo, cuánuu quíi̱ jáchi̱ cúni̱ coo tóo i̱ vehún qui̱vi̱ víti —na̱cachi Jesús xi̱hi̱n dá. A̱nda̱ já ndáva nihni Zaqueo na̱nuu da nu̱ yíto̱ cán. Já cávatá da̱ na̱ndiquehe va̱ha da Jesús cañehe da a̱ cua̱ha̱n da̱ xi̱hi̱n á vehe da.

Ta tá sa̱ ndúu ndihi na vehe Zaqueo já na̱nda̱ca̱ ndichi Zaqueo já na̱cachi da já xi̱hi̱n Jesús: —Cande̱hé ndo̱, xitoho i̱. Cahnda java nda̱a̱ i̱ ña̱ha cómí i̱ ta já ndicahnda i̱ ña̱ nu̱ú na̱ nda̱hví. Ta ndá na̱ na̱caja cuíhná i̱ ña̱ha, na̱ cán quia̱hva i̱ co̱mi̱ táhndá chága̱ ña̱ha nu̱u̱ jáchi̱ na̱jándahvi i̱ na̱ —na̱cachi Zaqueo cán.

A̱nda̱ já na̱cachi java na̱ fariseo ñúhu tañu ña̱yivi cán já xi̱hi̱n Jesús: —Maestro, jána̱ni ndó na̱ ndíco̱ ja̱ta̱ ndó yóho ná a̱ cáyuhú cóhó na̱ —na̱cachi na xi̱hi̱n Jesús. Joo na̱nducú ñehe Jesús tu̱hun nu̱ ná já na̱cachi a já xi̱hi̱n ná: —Mé a̱ nda̱a̱ ná ca̱ha̱n i̱ xi̱hi̱n ndo̱ ña̱ tá ná catáji̱ yuhú na̱ yóho ja̱nda̱ já yu̱u̱ ndúu jíi̱n íchi̱ ja̱n casáhá cayuhú a̱ caja cáhnu a ye̱he̱ —na̱cachi Jesús.