Popular Bible Verses from John 10

ಶೇರ್

Kīsa ī da gilūklīq gāga ḵītl nūqs ūgwilē lāḵ gilūklā, glū kīlākyā, hī mī sī mūmasīlā: hī tun gāga ḵītlī kā uḵnūgwāda mī lāḵ sīs qilā, glū kā uḵnūgwādī sīs kīnum a.

Nūgwa um ek aāksīlāḵ lāmādū: yiḵī da ek aāḵsīla ḵā lāmādū zaw sīs bagwānum īnāyī kā ī da lāmādū.

Wuglākuḵs diyā un lāmādū gāḵun, lāḵa un kauklilāk dāḵw kī, lāk dāḵw ḵā ī lāskum ī gāḵun.

La mī sun zaw lāk dāḵw kī sa hīmunīs qilā, lāk dāḵw klī kīs tlilā īnūḵ‐kl, kīyos‐kl ḵād numūq dāḵ‐kliyā‐kl kī gāḵun.

Nūgwa um tihyilā, laīklītl lāḵ sa numūq bagwānum, kū laīkl lāḵo nūgwa um qāqila‐āqī klis, lā klī laīkl glū lāwils, la klī khā‐kl kās humēkl.

Nūgwa um ek aāksīla ḵā lāmādū, mātltēla um ḵa ā wī sun klā ḵā nūsa, lā ḵa ī da nūsa un kauklila gāḵun.

Kā un Umpa, ḵī da lē zaws gāḵun, awīlā‐kāwāya ā sa nāhwā; kīyos ḵād numūq hītl‐āzaul tlīnumḵ klayāk lāḵ ayāsau sī da Umpa. Yun, gla wī da Umpa numūq munūh.

Lāḵ kauklila īnaya sa Umpa gāḵun, hī ḵād gāḵ qīx un kauklila īnayā ḵā Umpa: la mī sun gīgālīsas gin baqīnīg kā ī da lāmādū.

Kīyos bagwānum uḵ‐īduk gāḵun, qilīx mun gīgālīsas; uḵnūgwādun klas tlāhwāyī kun gīgālī‐sīs, uḵnūgwāda um ḵa ā wīs un klas tlāhwāyī kun ītūklīk: ga um wātldum sun Umpa gāḵun kun qīh‐īda āsa.

Lī Jesus nīk lāk dāḵwuk ītīdā, aulī gin nīk ūkl, nūgwa um tihyilā sa lāmādū.

Yiḵī da hīlānum ī, kīsī aāḵsīla ḵā lāmādū, ḵā kīsī hus ḵā lāmādū, dūqilā ḵā āklānum gāḵā, la bo sa lāmādū, kās hītl tsa wī: lī da āklānum dāh īdik dākwuk, kās gwītl īda mas īk.

Aulī gin nīk yūkl, yiḵī da kīsa gāyā īkl lāḵā tihyilā lālākā ḵā lāmādū, au‐um klupūstau kās gāyā‐īglasa, hī um gilūklī, tlīnumā ḵād.