Popular Bible Verses from Qāyīlelas (Acts) 2

ಶೇರ್

Lī Peter nīk lah daḵwuk, māyātāh daḵw laga, glū kās wīga ūs baptize īduḵ nāhwūkl lāḵ glīkum as Jesus Christ kā kīyohwīdī sīs yekīnīh daḵwūs; lah daḵw klis lo‐kl ḵā wāḵyau ī da Holy Spirit.

Wa lah daḵw hīmunātla um lāḵ kākūklāmāzumā sa apostles glū nāmūkiaula, lāḵ wukie ḵā qunīq hī mī sīḵs hawāḵ‐ulā ī.

Wa lāh daḵw nahwa um kūtih‐īd ḵā Holy Spirit, wa la yaīkugātl tsa ūgwila um yakundāsa, lāḵīs la īnīh daḵw yākuntāla mas tsū sī da Spirit.

Wa ūdāh īdā mī sa gāḵa gāya‐nāqil lāḵā īkī hī‐kiāl hī qīx ā tloqīmas yaula, ḵā lā kūtih‐īd lāḵā gūq qazīlas daḵwas. We hī mīs gāḵ nītl īda ātsī da hī qīx hyīhyīḵ unālī gwīl nāqil lah dāḵwuk īḵuḵ klīlābindālāk. Wa lāh daḵw nahwa um kūtih‐īd ḵā Holy Spirit, wa la yaīkugātl tsa ūgwila um yakundāsa, lāḵīs la īnīh daḵw yākuntāla mas tsū sī da Spirit.

Wa ḵūḵ nīnālāḵ, hīmunī‐klila um numāla lāḵā umyāḵulazī, glū wukiā ḵā qunīq lāḵīs gūq, lah dāḵw ek‐kusil humāp ḵīs humāyī kā īs ek̤īkulā num um ḵa īs naukāyī, Zilwākā ḵā Ike Gīkumī, glū ek sū sa nahwa bagwanum: lā ḵa ī da Gīkumī ālīgindā lah daḵwuk ḵūḵ nīnālāḵ yisa la qāqilaāqā.

Hī klī qelā‐kl lāḵī da ātlilḵsdī kla nīnālā‐kl, nīkī da Ike Gīkumī, gwakā klin klā sin Spirit lāḵ nahwa ulzā: lā klīs bībagwanum ūs gla wīs zīdāk ūs sāsum ā prophesy‐kl, lā klīs īātlūs‐tau yūs dūqilā‐kl ḵīs dūqitl kla; lā klīs qilsqilyāq ūs mī‐umḵulā klis mīmḵī‐kla.

Wa lī da nāhwā ūqisa kupetla, wīlā mīs uḵnūgwād tsa nāhwā; Lah daḵw ḵa ā lāḵūd ḵīs īāḵīlāq glū māmīkiasā, kās gwītlīs laḵa nahwa, laḵ wānātla sū wā sa wa‐ūq bagwānum a.

We lā klī yiḵ ungwā kla hawāḵulā‐kl qīkumātlā‐kl lāḵā Ike Gīkumī lā‐kl qāqilaāq‐kl.

Pudih‐īdā matsū kla klīsila, lā klī da muqilā ulqsumh‐īdā matsū‐kl, gāla gīwī klis nāle sa Gīkumāyī kū gāḵ‐kl, yiḵā wālas kla glū k̤ātla‐āq‐kl nālā‐kl