उत्पत्ति 9ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

परमेश्‍वरजी बिइ, “चु बाछा ङ नेरो क्हेमैं धै क्हेमैंने बालु मुँबै ताँन् सो प्ह्‍याबै सैमैंए म्हाँजोरि ताँन् पुस्तए ल्हागिर ङइ लमिंइमुँ चए चिनु चु तब्मुँ। ङइ न्हाँम्स्योर ह्‍यार्गों थेंब्मुँ, झाइले ङ नेरो पृथ्‍बीए म्हाँजोरि च ह्‍यार्गों बाछाए चिनु तब्मुँ।

न्हाँम्स्योर ह्‍यार्गों म्रोंमा ङइ च ङ्ह्‍योसि चु खोंयोंन् बिलै तरिबै बाछा मैंब्मुँ। चु बाछा परमेश्‍वर नेरो ह्‍युलर्बै सो प्ह्‍याबै ताँन् सैमैंने फैइमुँ।

परमेश्‍वरजी म्हिलाइ ह्रोंस धोंबन् बनेइमुँ। छतसि खाबइ म्हिलाइ सैमुँ, चलाज्यै या म्हिइ सैब्मुँ।

च लिउँइँ परमेश्‍वरजी नोआ नेरो चए च्हमैं आशिक पिंसि “प्हारदै रोदै, सन्तानमैं ल्हें तदै पृथ्‍बीर प्लिंदै ह्‍याद्,” बिइ।

चु ताँन् सो प्ह्‍याबै सैमैं क्हेमैंए चबै सै तब्मुँ। ङइ ओंसों प्याँ पिंमैं पिंब् धोंले चु ताँन् सो प्ह्‍याबै सैमैं या क्हेमैंलाइ पिंम्।

पृथ्‍बीर्बै ताँन् खेदोमैं मुर्बै ताँन् नमेंमैं सर क्ल्याँसि प्रबै ताँन् प्हलाँ-प्हुँलुँ मा ङ्युँइर्बै ताँन् ताँगमैं या क्हेमैं म्रोंसि ङ्हिंब्मुँ। चमैं ताँन् ङइ क्हेमैंए योर्न पिंइमुँ।

क्हेमैं प्हारदै रोदै प्हसेमैं ल्हें फिदै ह्‍युलर प्लिंरिगे।”