Popular Bible Verses from لُکَ 8

ಹಂಚಿಕೊಳ್ಳಿ

اَمَّا اَوْدِ جَنُندِ دٛوْ لٜيْدِ مبٛنْدِ وٛنِ نَنُٻٜ وٛلْدٜ اَللَّه، ٻٜ نجٛغٛوندٜ ٻٜرْندٜ غٛعٛ، ندٜرْ مُݧَلْ ٻٜ تٛکَّندٜ حَا ٻٜ نغَطَ کٛ اَللَّه يِطِ؞

اَوْدِ نجَنُندِ ندٜرْ غِعٜ بٛو وٛنِ يِمْٻٜ نَنُٻٜ وٛلْدٜ ندٜنْ، اَمَّا وَنَّارٜ، اٜ رِسْکُ، اٜ بٜلْطُمْ دُونِيَارُ ٻِطِّ ٻٜرْطٜ مَٻّٜ، نغَمْ نٛنْ ٻٜ مَوْنَايِ ندٜرْ طَتَلْ اَللَّه؞

نجَنُندِ دٛوْ حَيْرٜ وٛنِ يِمْٻٜ جَٻُٻٜ وٛلْدٜ اَللَّه ندٜرْ بٜلْطُمْ ٻٜرْندٜ، اَمَّا ندٜ وَلَا طَطِ، ندٜ جٛوطَاکِ ندٜرْ ٻٜرْطٜ مَٻّٜ؞ ٻٜ نجَٻُندٜ نغَمْ شَرٜلْ سٜطَّ، اَمَّا ندٜ طُمْ فٛوندِٻٜ، ٻٜ نجٛوفِندٜ؞

اٛ وِعِٻٜ، ‏«‏کٛ وَطِ اٛنْ کٛولَاکِيَمْ؟»‏ ٻٜ کُلِ، ٻٜ کَيْطِنِ، ٻٜ نغَطِ کَ مٜتُکِ حَکُّندٜ مَٻّٜ، اٜ ٻٜ مبِعَ، ‏«‏اٛعٛ طُمْ مٛيٜ؟ اٛ حَٻَنِي کٜنِ اٜ ندِيَمْ، اٜ طِ نغَطَ کٛ اٛ وِعِ!‏»‏

نجَنُندِ دٛوْ طَتَلْ وٛنِ نَنُٻٜ وٛلْدٜ اَللَّه، ندٜنْ شٜيْطَنْ وَرَ حٛشَّندٜ دَغَ ندٜرْ ٻٜرْطٜ مَٻّٜ، نغَمْ تٛع ٻٜ مبَاوَ جَٻُکِندٜ ٻٜ کِسَ؞

‏«‏نغَمْ وَلَا فِي شُوطِيطُمْ طُمْ سُورِتَتَاکٜ؞ نٛنْ بٛو وَلَا سِرُّ طُمْ اَنْدِتَتَاکٜ؞

ندٜ دٜبّٛ اٛنْ اَنْدِتِ سُوطَتَاکٛ، وَرِ اٜ دِوْنَ، دِشِّي يٜىٰسٛ مَاکٛ؞ يٜىٰسٛ يِمْٻٜ فُو اٛ وِعِ کٛ وَطِ اٛ مٜىٰمِمٛ، اٜ نٛ اٛ يَمْطِتِرِ طٛنْ اٜ طٛنْ؞ يٜىٰسُ وِعِمٛ، ‏«‏بَنْدِرَاوٛ، حٛولَارٜ مَاطَ يَمْطِتِنِيمَ؞ نجِڤّٛطَا جَمْ؞»‏

ٻٜ ٻَدِّي يٜىٰسُ، ٻٜ ڤِنْدِنِمٛ، اٜ ٻٜ مبِعَ، ‏«‏مٛودِبّٛ، مٛودِبّٛ، اٜنْ کَلْکَيْ!‏»‏ اٛ اُمِّي، اٛ حَٻَنِ حٜنْدُ ندُنْ اٜ غٜىٰلٛوطِ ندِيَمْ طِنْ؞ کٛو طُمٜ دَرِي، دٜعِّتِ؞