Popular Bible Verses from Ntandiliko 27

ಶೇರ್

Nnungu akung'unile lime lya kulihunde mmawelu lako, na akwing'e ulongo wa matapata, na vilyo vyohe na divayi dyohe. Matawa la vanu lakutumikile, na vanu va vilambo vakuhunamile. Ùùve ntawala wa alangavako, na vana va anyoko vakuhunamile. Kila munu ambekulâni wako, nanang'e alaniwe, na kila munu ambekubalîki wako, nanang'e abalikiwe!”

Esau nkuchidoni, “Njo mana àchemwa Yakobo! Nang'e àtwete nafasi yangu myanda mivili. Mwanda ntandi átwete haki yangu ya kuva nimwana ntandi kuvelekwa, na vino àtwete balaka yangu.” Bahi Esau nkummuja atatake kuchidoni, “Dachi, ukándekedile balaka yoheyo?”

Isaka nkunnyaulila kuchidoni, “Wako ùmbeikala kulehu na ulongo wa matapata, kulehu na mawelu làkung'uniwa lime lya kulihunde. Ùmbelamila chihi upanga wako wa ing'ondo, na ùmbentumikila nnung'uno, henga paumbekwamula kuuka mmakono lake, uchiulihungulange kuhaloka nnikongwa lyake lya utawala.”

Esau nkunnyaulila atatake kuchidoni, “Atata, kwani wako ùvele chihi na balaka imo bahi? Nanani ngùbàlìkì atata!” Bahi Esau nkutumbula chitengelo.