Popular Bible Verses from Genesis 7

ಶೇರ್

Ethò꞉ne ne ROIá꞉NER wahawénhase ne Noah, “Wá꞉s kahón꞉wakon iashatíta, í꞉se tánon ne swatsirekwé꞉kon, asèkenʼh waʼkatkátho tsi shón꞉hahak khók tehshonkweʼtaié꞉ri nakhén꞉ton nón꞉wa nikaháwi.

Énskat tewenʼniáwe tánon wísk niwáhsen niwenhniserá꞉ke iothnekaratá꞉tonhkwe nonhwentsá꞉ke.

Ne iahiákhaton shatewenʼniáwe niioseʼrá꞉ke shihrónhnhe ne Noah, ne tewenhniʼtakéhaton, ne tsatákhaton iawén꞉re shiwenhniserakéhaton né tsi niwenhnítarakwe, ne tho siwenhniserá꞉tehkwe kwáh akwé꞉kon ne tsi niiohnaweró꞉tonʼskwe ne kwáh tiohnó꞉tes tontonteráʼné꞉kare, tanon ne tsi ionenhstonkwakahrón꞉tonʼs ne karonhiá꞉ke ontehnhohtonkwenhá꞉ton.

Ne ROIá꞉NER kwáh akwé꞉kon niaʼshakóhtonhte tsi nahó꞉ten ne iónhnhehkwe ne tsi nonhwentsá꞉ke onkweʼshón꞉ʼas, tánon ne kontitshé꞉nenʼs, tánon ne konté꞉sereʼs tánon notsiʼtenʼokón꞉ʼa ne tsi iówerare; kwáh wahonwanáhtonʼte ne tsi ionwenhtsá꞉te. Nek khók iatehshonatatén꞉ron tsi nihá꞉ti ne Noah ratikwekónhne ne kahón꞉wakon.

Waʼokén꞉nore ne tsi ionhwentsá꞉te kaié꞉ri niwenhniseráhsen tánon kaié꞉ri niwahshontáhsen.