Popular Bible Verses from Markus 13

ಶೇರ್

Mka mansia pusiki openeso tanumo noso oparisaa tau Au. Ne ia seia iapamese rotu-tu imatai, mka Anahatana iapuheui na pene iapasanai.

Reiso oainati. Osaka-saka. Oanei tewa inasa na uhokaku honu.

Mka oaresimo, oyo ororimo oamanane sio onata, pene anomo rauponu runa mka oasau sapan. Mka Anahatana iasau osimo kahurae oasau sapan. Omi ruamo oanamana tewa, ne Anahatana Ne Inaha mka irui anamanaya osimo.

Nante na tuniai reini mka ranikuso, ne Au we anamanaya mo, mka ranikuso tewa.

Ia seia man iae ianei tewa inasa mka sio sinsaraso san rei. Anahatana ne maisosia roe noiyaha iae, oanei tewa oi. Au Anahatana Anai iae uanei tewa oi. Hasae amaku ruai man sahoro ianei.

Sani oatinu hapare rerihoni manahitana mo, pene okaitau. Areimo tau kahurae reeu san rei naone. Ne, tuniai nanie repena mo, tewasi.

Reiso osaka-saka. Oanei tewasi inasa na numa upue inuniki. Kani tau ran manne te? Tau saa monon tihu te? Tau manua ratunkeko te? Tau ranie resaa te? Oanei tewa. Pene rotu-tu uhokaku, omi osaka-saka tewa, oyo usupu pusimo oneke munumo. Sae wan uasaui osimo reini mo, uasau osi sio pusiso, na osaka-saka.

Mataanoe niane isa osaa niane isa honu. Mka ia aia isa ieu iahita na ia aia tamene isa honu. Mka isu mainaya sui supa-supan. Mka omata muaine sui supan man. Ne areini mo, pusire nene aikune man sani ia ikine nanie iamrae, inai tiai reun.”

Kahurae osima na Sou Iake rerihoni Au osi sio niana-niana pusire mai tuniai reini naone.

Mka sio panesi ohokaso ohete nanaku oasau ata, ‘Au mo, Ia wain Anahatana Iratiku Uapuheu Mansia’ oyo oakarota sio panesi.

Kahurae osaka-saka. Mka sio osotamo na oruimo osi sio mainaya tau niana-niana. Mka ohitamo sui sio Yahudiu no numa mananouna. Mka ororimo noi sio gubernur runa sio aiau noso opusu Au. Reiso saka osima rerihoni Au.

Tau sae? Sio umau mka ohokaso oasau oakarota ata sio rei wason Ia Aia wain Anahatana Ihitiki na Iapuheu Mansiau te sio wason ia mamsima runa Anahatana ne maunauna umau. Mka ouna sima-simana waron ratuhete ata no kawasa rerihoni Anahatana runa sima-simana arihon Anahatana waron rasiraso. Oakarota rea sio wason Anahatana ininiso na ouna ne mansiau.

Tau napisi reimo, sinsaraso, oyo ranie repumonoi, hunane reriohui. Oneu ramnahuso on roe nante na ranie na hunane rakoka roe nante.