Popular Bible Verses from San Mateo 14

ಶೇರ್

Ohechávo pe yvytu hatã katu okyhyje ha oñepyrũ ho'yguy, ha osapukái hatã: --¡Che Jára, che salvami! Upévo Jesús ojapyhy ichupe ipógui ha he'i ichupe: --¡Rejerovia'i eterei! ¿Mba'érehe piko rekyhyje?

Ohechávo pe yvytu hatã katu okyhyje ha oñepyrũ ho'yguy, ha osapukái hatã: --¡Che Jára, che salvami!

Jesús katu oñe'ẽ ichupe kuéra ha he'i: --¡Ani pekyhyje, chénteko!

Upérõ Pedro oñe'ẽ ichupe ha he'i: --Ore Jára, nde ramo añete, ere taha ne rendápe ko ý ape ári. Jesús he'i ichupe: --Eju. Upévo Pedro oguejy pe bárcogui ha oñepyrũ oguata pe ý ape ári oho haguã Jesús rendápe.

Ha umi oĩ va'ekue pe bárcope upévo oñesũ Jesús renondépe ha he'i ichupe: --Añetete nde ha'e Tupã Ñandejára Ra'y.

Jesús he'i ichupe kuéra: --Na tekotevẽi oho, pemongaru peẽ. Hemimbo'e kuéra he'i ichupe: --Ndoroguerekói niko ápe mba'eve, cinco pan ha mokõi pira mante.

Jesús he'i ichupe kuéra: --Peru chéve ko'ápe. Ha omboguapyka umi géntepe kapi'ipépe, ha upéi katu ojapyhy ipópe umi cinco pan ha mokõi pira ha oma'ẽvo yvága rehe ohovasa ha oipese'ã umi pan. Upéi ome'ẽ hemimbo'e kuérape ha ha'e kuéra ome'ẽ umi géntepe.

Ha opavave ho'u ha hyvatãmba. Uperire omohenyhẽ hikuái hembyrégui doce ajaka.