Popular Bible Verses from Maʼtɛ́as 5

ಶೇರ್

Pə́díəguug tɛn ɛláam lɛ́ ná páág a ilúlúú a kaadɛ, ndóo. Pálɛ agɛɛdɛg a mɔɛn lɛ́ ná ungim nyɔ́ alɛɛ́ a yoog, ádɛ́ʼtɛganan. Yoom ímuʼ tɛn náan aa kɛ́lɛɛ́ na pəŋi. Polɛ kisəə. Nomáan, ná pɔɔd páadála wɔnɔ́ ná polɛɛ́ agolɛŋ kəə́siəd, ná pɛ́ʼkɛn nugəm na Sɛ waaŋan nyɔ́ alɛɛ́ a mɔɛn».

Polɛ tɛn kisəə a əngis á pɔɔd. Pálɛ́ɛg ngim yɛ́ ɛlɛɛ́ ngoágáán a oʼkon a mɔɛn, ɛdɛɔ́gɔ ɛgɔɔsɛm.

Kɔŋɛʼ na pá ntɛ́m yɔɔbɔn ɛlɛɛ́ mmoáŋáán; pálɛ́ɛ́ kodála Táán.

Kɔŋɛʼ na pá pálɛɛ́ na njaan na nɛŋɔ́ɛd lɛ́ pɛbán pɛ́dáŋana a sáád; pálɛ́ɛ́ kuyíid.

Mɛ, ndabodɛ́anɛ nyɔʼkɔ́: Pɔ́nyɔ́ŋɛn pá páaboónɔɛyɛ pəŋi. Poɔ́sɔ́gɔlɔn Táán a kidíídí kɛ́ pá páabonɛ́ɛyɛ ntɔ́b.

«Kɔŋɛʼ na pá pálɛɛ́ na ntɛ́m ɛ muyənjə́g; Nɛlaamɛʼ nɛ́ a mɔɛn nɛ́lɛ nɛɔ́bɔn.

Kɔŋɛʼ na pá pálɛɛ́ agɛɛlɛ lɛ́ pɔɔd pɛ́ɛn a uŋóón; Táán alɛ́ɛ́ kusəə lɛ́ pálɛ pɔɔ́n pə́ə́ŋ.

Kɔŋɛʼ na pá pálɛɛ́ na piwiiyiʼ pɛ́ ntɛ́m; nsí ɛlɛ́ɛ́ koob na pɔ́lɛ́.

Kɔŋɛʼ na pá, pɔsɔ́g pálɛɛ́ agocoʼkonɛ lɛ́ pálɛ agodáŋana wɔnɔ́ ná Táán alɛɛ́ anyɔ́ŋɛn; Nɛlaamɛʼ nɛ́ a mɔɛn nɛ́agoob na pɔ́lɛ́.

Kɔŋɛʼ na pá pálɛɛ́ na ɔʼtɛ́m ó maan; Táán alɛ́ɛ́ kobooda tɛn maan.

Kɔŋɛʼ na pəŋi pá pɔɔd pálɛɛ́ agoboodóga, pə́əbuúyəʼkəni, páabosóman pɛbán a nkó a oʼto wóonɛ lɛ́ poágɛn oʼto na mɛ. Pəŋi póob náan pɔ́nyɔ́ga, púbin lɛ́ pɛsáábɔ́n pɛ́ pɛgóʼkóón pɛ́lɛ agobooboŋ a mɔɛn. Əgín tɛn náan aa pííyə́ʼkə́ni palɔɛgɛʼ pɛbán pá Táán pá pɛ́ɛ́yáŋ na pəŋi»

Kɔŋɛʼ na pá pálɛɛ́ a ɔndɛɛ; Táán alɛ́ɛ́ kubuúŋiənə pɛlɛɛ.

«Pəŋi, polɛ məbə́lí a nsí. Kɛnɛŋ kɛ́ məbə́lí máʼkosolɛɛ́, mə́ndigi kə́mmú tɛn məbə́lí. Mə́ndigi kə́mmú na pigólí. Mándɛ agá lɛ́ pádo kodoán a táán, pɔɔd pə́gíʼtən na ambaan.

Pəŋi, póɛn fiɛ́d na ɛgom wɔnɔ́ ná Sɛ waaŋan nyɔ́ alɛɛ́ a mɔɛn alɛɛ́ fiɛ́d na ɛgom»

Nkə kɛ́ umə́líʼtíníí wɔʼkɔ́ “ɛɛ́ɛ” kɛ́lɔb lɛ́ umə́líʼtíníí. Kɛ́ waásáŋɛ́nɛ lɛ́ ndóo, kɛ́lɔb lɛ́ waásáŋɛ́nɛ óság kodɛ́lɛm áay. Kiim kɛ́ wəə́ndədínií wáábɛg a ngim yɛ́ɛy kɛ́lɛ kɛ́ Omɔlɛɔ́g.»

«Adɛ́ poyóób, píísə́ə́ tɛn a kɛnɛŋ kɛ́ pɛmbáa lɛ́ sɔ́g əməʼkuguúdus niis, wɛ tɛn úumuúdus niə́ŋ ə́? Amaʼkogoobaŋ niiŋ, óomoobaŋ tɛn niə́ŋ ə́? A mɛ, ndabodɛ́anɛ lɛ́: Mɔɔd amaʼkogoyɛ́ɛlɛ kɔbɛ́, udiyímuyə́gúníí. Mɔɔd amaʼkogosábɛn nɛbany a ombáŋ, sɛlɛ́gɛ́nɛ wúmmú yíiʼkini kogosábɛn nɛ́ndɛ́ŋ.

Kɛ́maʼkɛɛn lɛ́ niis nɛáŋ áa nɛ́lɛɛ́ agooyɛ́ɛlɛ lɛ́ údə́əŋ a kɔbɛ́, ə́dúsíí nɛ́lɛ́ ódo laálá. Kɔŋɛʼ na wɛ lɛ́ ólɔ́ɔs kɛʼkab kɛáŋ kɛ́ nkó kímuʼ, agosan lɛ́ págoódagɛdɛ na nkó yaaŋ ngim a yug yɛ́ ɛgóón. Kɛ́maʼkɛɛn lɛ́ ombɔg wááŋ ó nɛnom aa ólɛɛ́ agooyɛ́ɛlɛ lɛ́ údə́əŋ a kɔbɛ́, ásómɛ́ɛ́ wólɛ́ ódo laálá. Kɛ́lɛ kɔŋɛʼ na wɛ lɛ́ ólɔ́ɔs kɛʼkab kɛáŋ kɛ́ nkó kímuʼ agosan lɛ́ wɛ́ɛn na nkó yaaŋ ngim a yug yɛ́ ɛgóón.»