Popular Bible Verses from Lu̍kū 16

ಹಂಚಿಕೊಳ್ಳಿ

Wānā o̍ wāna̍ wa̍ sa̍kpō o̍ sɔ̄ɔ̍ŋ pɔ̍mbɔ᷄ŋ ni᷄ŋ pɛ̍, ō nɔ̄lā mbō wa̍ sa̍kpō o̍ sɔ̄ɔ̍ŋ bānā ba̍na᷄ŋ ni᷄ŋ. Kɛ̍, wānā o̍ wāna̍ ve̍ sa̍kpō o̍ sɔ̄ɔ̍ŋ pɔ̍mbɔ᷄ŋ ni᷄ŋ te̍, ō ve᷅ sa̍kpō o̍ sɔ̄ɔ̍ŋ bānā ba̍na᷄ŋ ni᷄ŋ te̍.

O̍ ko̍ŋ kɔ̍ɔ̍lī, mi̍ Chi̍i̍sū di̍mī āā, “Chɛ̄ o̍ chɛ̄ cho̍ mbō wa̍ le̍ ma̍sāā ŋīɔ̍ɔ̍ŋ te̍. Kāni̍ fu̍u̍le̍, tē ho̍ō o̍ ka̍a̍la̍ ni̍, ō tu᷄l ho̍ō lēyɛ̄. Tē ho̍ō o̍ di̍i̍ku̍ŋ ni̍, ō di̍i̍kūŋ o̍ pi᷅lɔ̍ɔ̍ le̍. Le̍la̍ŋ, wānā le̍ndūŋ kɔ̍l o̍ nyɛ̄ sɔ̄lāa̍ mā nɔ̍la̍ Mɛ̄lɛ̄ka̍ sāāŋgīāl te̍.”

Tē a̍ ve̍ sa̍kpō o̍ nyɛ̄m chi̍e̍ēŋndo̍ŋ ni᷄ŋ te̍, vɛ̄ɛ̍nɛ̍ nda̍ lāāla̍ŋ yɛ̍ a̍ nūm o̍ sūl kpe̍e̍kpe̍i̍yo̍ chōo̍? Ndu̍yɛ̍, tē a̍ ve̍ sa̍kpō o̍ nyɛ᷄m cho̍ le̍ chāāŋāā chēle̍ŋnda̍ wo̍ŋ chōo̍ le̍, ō nɛ̄ɛ̍nɛ̍ ke᷅ yɛ̍ nu̍m nyɛ̍ cho̍ le̍ nūm ndo̍?”

Mi̍ E̍bīlāha᷅m di̍mūl ndu̍ āā, ‘Nyɛ̄ yāu̍la̍ Mūu̍sē a̍ wānāa̍ su̍a̍ā le̍ Mɛ̄lɛ̄ka̍ wa̍ ā pōōnyi̍a̍a̍ la̍ŋ lā dīmi̍ wo̍, tē ā kɛ̄ɛ̍ ndu̍ lānī yāŋɔ̄ɔ̄ pɛ̍, ā yɔ᷄ŋ bɛ̍ɛ̍ mī wāŋndo̍ mīīŋgu̍ yōōmū mbō kɔ̍ si̍lā nda̍ ā la̍a̍lāŋ te̍.’ ”

“Wānā o̍ wāna̍ kɛ̍ɛ̍ la̍a̍ ndɔ̍ mbō chu̍a̍ wānā la̍nɔ̍ che᷅le̍ŋ pɛ̍, mɛ̄ɛ̍ ō tɛ̄ɛ̄mbu̍u̍ sāwa̍ di̍mi̍ māā wānā su̍u̍ndā le̍ wo̍. Ndu̍yɛ̍, wānā pɔ̍nɔ̍ chu̍a̍ wānā la̍nɔ̍ nda̍ kɛ̄ɛ̍ ko̍ŋ ndo̍ pɛ̍, mɛ̄ɛ̍ ndu̍ bɛ̍ɛ̍ ō tɛ̄ɛ̄mbu̍u̍ sāwa̍ di̍mi̍ māā wānā su̍u̍ndā le̍ wo̍.”