Popular Bible Verses from Sɑn 3

ಶೇರ್

K mɑɑn Yennu mɑntk din luon tingbounŋ nɑ niib bonciɑnn. L pɑɑk, k u tul’b u Bijɑyenml, k wun nbɑ tien u Bijɑ mɑnŋ yɑdɑ u tɑn kɑn kpo, ŋɑɑn u sii mɔk mɑnfuol nbɑ kɑɑ gbennu

k mɑɑn Yennu nbɑ din tun u Bijɑ tingbounŋ nɑ ni, u din k tun’ɔ ɑ wun tɑn bu tingbounŋ nɑ niib buut k biil’b kɑɑ, ŋɑɑn u din yɑɑ wun fiel’b u Bijɑ mɑnŋ ni e.

K Yiesu yet’ɔ ɑ: «Bɑlmɔni e k n yien’ɑ nɑ, suɑ kɑn fit k kuɑ Yennu nɑɑn ni, l i kii tie k b ŋɑnm mɑl’ɔ i kɑɑ.»

K dɑɑnɔ nbɑ tie Yennu Bijɑ mɑnŋ yɑdɑ, Yennu kɑn bu u buut k biil’ɔ, ŋɑɑn wun nbɑ k tie’u yɑdɑ, Yennu ponŋ bu u yɑɑ buut k biil’ɔ wɑɑ, k mɑɑn u k tien ŋuɑ Yennu Bijɑyenml mɑnŋ yɑdɑ.

Lin nbɑ pɑɑk te k Yennu bu b buut k biil’b mɑnŋ tie nnɑ e: yentu din bɑɑl tingbounŋ nɑ ni ŋɑɑn k niib luon bunbɔnn k gɑl yentu mɑnŋ, k mɑɑn bɑɑ tuun biit nɑ pɑɑk.

L kpɑɑ tɑlɑs nɑn ŋuɑ Klistu ii yɑbtl, ŋɑɑn k min ii wɑɑbt.»

Dɑɑnɔ kul nbɑ tuun bonbiil, u nɑn yentu mɑnŋ e, k k luon wuu nɑki’ɔ, k mɑɑn u k luon u biit nɑ n tɑn nyi pɑɑnu.

Dɑɑnɔ nbɑ tien Bijɑ mɑnŋ yɑdɑ mɔk mɑnfuol nbɑ kɑɑ gbennu, ŋɑɑn dɑɑnɔ nbɑ yet Bijɑ mɑnŋ, Yennu wutuol be u pɑɑk k u kɑn lɑ mɑnfuol mɑnŋ.

Muois nbɑ din be muuk ni k fin kut wɑɑɔk k donn’ɔ dɑɑɔk pɑɑk nɑ, l mun biɑ tie nnɑ e k b tɑn sɑɑ jii Nisɑɑlk Bijɑ nɑ, k donn’ɔ sɑnpɑɑpo

Bɑɑ luon u Bijɑ, k kubn bonɑ kul u nuu ni.