Popular Bible Verses from LUKA, 11

ಹಂಚಿಕೊಳ್ಳಿ

O lenei, o outou e leaga, afai ua iloa e outou ona avatu o mea lelei mā a outou fanau; e le sili ea ona foaiina mai e lo outou Tamā o i le lagi le Agaga Paia i e ole atu ai ia te ia?

Ou te fai atu foi a‘u ia te outou, Ia outou ole atu, ona foaiina mai ai lea ia te outou; ia outou saili, ona outou maua ai lea; ia outou tu‘itu‘i atu, ona toina mai ai lea ia te outou.

Auā ai se ole atu, e maua e ia; o lē saili, e iloa e ia; o lē tu‘itu‘i, e toina mai ia te ia.

Ua fetalai atu ia ia te i latou, Pe a outou tatalo, ia outou fai atu, Lo matou Tamā e o i le lagi, ia paia lou suafa. Ia oo mai lou malo. Ia faia lou finagalo i le lalolagi, e pei ona faia i le lagi.

Ia e faamagalo ia te i matou i a matou agasala; auā foi matou te faamagaloina atu ia i latou uma o e agaleaga mai ia te i matou. Aua foi e te taitaiina i matou i le tofotofoga; a ia e laveai mai ia i matou ai le leaga.

Ia e foai mai ia te i matou i lea aso ma lea aso a matou mea e ‘ai e tatau ma le aso.

O mata, o le lamepa lea o le tino; o lenei, pe afai ua lelei ou mata, e malamalama uma ai lou tino; a e afai ua leaga, e pouliuli ai lou tino.

E leai se tūtū i le lamepa, ma tuu i le mea lilo, po o i lalo o le mea e fua a‘i saito, a e tuu i luga lava o le tuugālamepa, ina ia iloa mai ai le malamalama i e ulufale mai.