Popular Bible Verses from Lúka 21

ಹಂಚಿಕೊಳ್ಳಿ

Aadh lulle ˈdeeyimíe, Waag vivitíe, hé geđ igiro-, hí hát ˈdabaanká gaa nannaataká fargogintle muí shio, giri úba hí Iny Máádhat met ki ˈdeenká, Yíésu hí gáál yie.

Hol ˈdeeˈdemíe, haí gál he dhir eiy ki babaatká ubaa gál bersh hí fafaannoká chéen, hí hé lesalloká ˈgar kirísan, kúlích kinaal hátlé hí met muogká ali kí ˈdíiny.

Hééllá hí mé ki chichirsatoka, luolmit biiyoká haí aargiˈda.

Hé hí hol ˈdú hogotoká af ha yú hí ká fafaa, ˈdaalím ha yú hí shigia, giri gál hí met il gaa ˈgieká hí ma ki faalminy-, ubaa hí ma ka aađaanká.

Úr ubaa les el met haí ˈgiidha. Tá ˈdeenychú íín hé el met hí ma ˈgiˈgin.

Hé gálaat hí af ˈdaˈdaboká aadh ubaa ˈgúíy, tá hidhino ha gaalí gaa aargira. Kidh lesalloká húđúm shímle ubaa bárán guđo bás gáá ˈdaraanká sierm haí fafaa, haí neesia. Hé lésallá gaa ˈdeđenetká ˈdugaka, gálaat sierm haí faanna, sidham hai gudmita, ˈdaa giri hé farguogo-, úr gaa ˈgieká Waag hí muotisichoká. Aaléka, gálaat Iny Máádhat hát nyáˈdow kí yiimetká hai aargira. Mu fargogínt ubaa ˈduuw guđoká hai kí yiimedhe.

Gálaat lulle ˈdaa meenychú ˈdugaka haí neebeedhe.

Les súm hai motoonno, álb burnayká kuoˈd ubaa basham haí gáá ˈdeeme. Hé gáál súm nenesuoká ali hai kí ˈdeeme, hé gaalí a ˈdaˈdaboká úr ha gaalí gaa aargira.

Aaléka hí fayam oosomká ubaa fayam lésle ˈdeeneteká maalleka, haí néeny. Hééllá erkobo ali kí ˈdeeme, tá les el ˈdaˈdle hátle hé ram hí ali iđo, Yíésu hí gáál yie. Aalé Yíésu geđi kieye, Kidh hollo hol yeese, kansimano lesam met eiy ki ˈgiiyyoká hollo hol cheese.

Hé gálaat hí af ˈdaˈdaboká aadh ubaa ˈgúíy, tá hidhino ha gaalí gaa aargira. Kidh lesalloká húđúm shímle ubaa bárán guđo bás gáá ˈdaraanká sierm haí fafaa, haí neesia. Hé lésallá gaa ˈdeđenetká ˈdugaka, gálaat sierm haí faanna, sidham hai gudmita, ˈdaa giri hé farguogo-, úr gaa ˈgieká Waag hí muotisichoká.

Aalé Yíésu geđi kieye, Kidh hollo hol yeese, kansimano lesam met eiy ki ˈgiiyyoká hollo hol cheese.

Yíésu kieye, Hol ˈdeeˈdemíe, ha gaalí nyimísan. Gál burnayká meenychú hai kí yiimedhe, gálaat hai geđia, kieye, Yú he Kirísto, hai yeedhe. Héétí muuninyka, Ram hé hol kí beeyye, hai yeedhe. Tá itín haí gáál el gaa véériny.