Popular Bible Verses from Lúka 14

ಹಂಚಿಕೊಳ್ಳಿ

Máádhat ye ˈdu gáá yimet-, kor íín ˈjaalle, ˈjielle, minle, umle, nyaaramlé yaabká ubaa ˈdietká, tá sídhle dhúrle biiy met kuo-, yú ye biiy el kí maduoká, máá kinaallá hé máá lalichú ma yegen.

Máá ˈgórlé đarám yaalká ma ká een-, ye el ma gáá veerinyká, hé máá lalichú ma yegen.

Máá hol máá ˈdúwaká ka dhaˈgasanká, Waag ˈdúúw haí rianna. Máá hol máá ˈdúwaká ma ka dhaˈgaminyká, Waag haí ˈduuwaycha, Yíésu hí gáál yie.

Hát tikiˈde kinaallá, itín máádhat ˈdaachúka les ma yíéđiny-, hol ˈdéé mé ma gaa een-, héllé lulle ˈguoká ye ma ˈdú hanyka, hé máá lalichú ma yegen.

Itín mááya, ˈbíl ˈdérká ˈdiˈdisatká fedoka, er les ma yíéđiminy, ˈbíl shokodaamlé ki ˈdiˈdisoká ˈdaable ma tooson, shokodaam ˈdáb ˈbíl đuusuoká ma aargiriny? Tá máá kinaallá shokodaam ˈdaable ma tooson, kor ˈbíl ˈdísáchle mé gáá kodhdhe-, tá ˈbíl ˈdisach hí ma đunyka, mú gál hí argoká haí eesheye, Máállá kerka ˈbíllo he ˈdiˈdite, kor ˈbíl ˈdísach hí ká adhate, ha gaalí yeedhe.

Gólol tág niiyyeka, gál he maamanká, gál ˈgas ˈdeđewká, gál alb hí gáá okoˈdeká, héétí gál in maamanká úba kíer. Hát kinaallá in Waag ko ˈdú ˈgunuanna, ˈdaa giri gálallá hé níínní ˈguo-, ko êw kí hidho-, mánká. Af giri Waag gállé hí iiy yie-, ˈdúwaká uushim yiem gáá ˈdeđichoká hé midhab ekeyche kinaallá ewle hai ko kí higita, Yíésu hí mú yie.

Shúgút hé midhab. Tá shúgút gaalí hé éíy taaka hol warase-, ˈjám ˈdabiyyeka háteeye midhab? Shúgút kinaallá hé ˈdúúw mán, hé úba máá hí lesam ubaa laagam fafaatká mán, ha gaalí okodmia. Máá nee ˈguoká hí hééllá maalo, Yíésu hí gáál yie.