Popular Bible Verses from Matyù 13

ಹಂಚಿಕೊಳ್ಳಿ

Mbyə ɨ̀pwuumə̀ za nɨ ɨ̀ lə̀ kẅìnə̀nə amwuə àpàbə ɨ̀shyə̂ yè ɨ̀shìʼnə̀ za ɨ̀ təəmə̀ la àtwuə̀ nɨ pànə̀ pa nɨ pobə pa ndzuʼù ntwuumə̀ ghù ɨ̀shìʼnə̀ wa ẅèrə laanə̀ àtwuə̀ pobə, pobə tyiʼə̀ ndzumə̀ mɨ̀ntàamə, pɨ̀tse zumə̀ nkɨrə, pɨ̀tse zumə̀ mɨ̀ghumə̀ ntuurə̀, pɨ̀tse zumə̀ mɨ̀ghumə̀ mɨntarə.”

Mbyə ɨ̀pwuumə̀ za nɨ ɨ̀ lə̀ kẅìnə̀nə amwuə àpàbə ɨ̀shyə̂ àŋwàʼŋwaʼa za ɨ̀ təəmə̀ la àtwuə̀ nɨ pànə̀ nɨ pobə pa ndzuʼù ntwuumə̀ ghù ɨ̀shìʼnə̀ wə̀, la ntòmnə̀ mbə̀ʼə nɨ̀chyə̂mbyə̂ pobə ntoŋə nkabə̀ tô nsòpə̀ ntwuumə̀ ghù ɨ̀shìʼnə̀ wə̀, ka pobə tyiʼə̀ mmə ndzumə̀ a ghobə mɨ̀ntàamə.

Pànə̀ nɨ pobə pa ndzuʼù àshwəŋnə̀ mbə̀ʼə ànwùə̀ Nɨ̀fò Nẅùə̀ ka a mə ndaanə̀ e àtwuə̀ pobə chyə̂ la tsaʼa ngẅàrə̀ ɨ̀pwuumə̀ za nɨ ɨ̀ lə̀ kẅìnə̀nə a àlàŋə ndwuumə̀ pɨ̀sɨ̀ŋə tô ntsuutə̀ la.

Mbyə ɨ̀pwuumə̀ za nɨ ɨ̀ lə̀ kẅìnə̀nə àtwuə̀ àlàrə̀kə̀ nɨ̀ghòorə ɨ̀ chyə̂ la tsaʼa pànə̀ pa nɨ pobə pa ndzuʼù ànwùə̀ Nẅùə̀ nkẅiirə̀ nɨ nɨ̀ghaʼà. La ka zèrə a tẅəŋə̀ e mɨŋaŋə ɨ̀me amwuə pobə, pobə tyiʼə̀ ngẅìimə̀ aŋunə mətùmə nkwùə̀. Nkwùə̀ nɨ ngəʼə̀ kə̀ ntòmnə̀ mə ntô mbə̀ʼə àshwəŋnə̀ Nẅùə̀ ghu, pobə zùŋə̀ mmyàʼtə̀ nkɨ̀ɨrə̀ a ghobə.

“Ànwùə̀ nɨ̀fò nɨ̀pwuurə̀ a chyə̂ tsaʼa àzwuumə̀ nɨ a lə̀əmə̀nə amwuə ɨ̀shyə̂. Nkwùə̀ nɨ ŋwùə̀ à zəənə̀nə a zèrə, a chi ntsùŋə̀ ndə̀əmə̀ a zèrə, ntyiʼə̀ mbə nɨ nɨ̀ghaʼà ngə̀ nshwùunə̀ ɨ̀pwuumə̀ ɨ̀pe ɨ̀tsùmə̀ lo ghə̀ zwuunə̀ alyiʼə a ɨ̀shyə̂ yè ghu.

La yɨ̀tse mbyə ɨ̀ lə̀ kẅìnə̀ amwuə àpàbə ɨ̀shyə̂ yè pyə̂nə, nsaʼà ntyiʼə̀ nkẅuə̀ ndzumə̀ mɨ̀ntàamə nkɨrə, yɨ̀tse zumə̀ mɨ̀ghumə̀ ntuurə̀, yɨ̀tse zumə̀ mɨ̀ghumə̀ mɨntarə.

Nɨ̀ myàʼtə̀ mɨ̀kwuunə̀ ma ghobə ngunə̀ kẅuə̀ mbyàa nkwùə̀ nɨ̀fùʼù. Mbɨ shwəŋə̀ ambo ngàŋə àfàʼà za lo pobə pyə̀ ndwùnə̀ ngunə̀ za nkorə̀ a mbyiŋə̀ mbyiŋə̀ ntòonə̀, ntyiʼə̀ nsòʼò mɨ̀kwuunə̀ nchyâ amwuə àzuŋə̀ mə̀.’”