Popular Bible Verses from JOHANE 15

ಶೇರ್

“Ini ne mzabibu, na inyo mo mbashu. Uo ukaiagha andenyi kwapo na ini andenyi kwake, nuo moni uvagha matunda mengi; angu ndemdimagha kubonya ilagho jingi kuseko na ini.

Kaienyi andenyi kwapo, nani nikaie andenyi konyu. Sa iji koni lumbashu lusedimagha kuva matunda loni, ngera lusekaie andenyi ya mzabibu, wokoni na inyo ndemdimagha kuva matunda ngera msekaie andenyi kwapo anduangi.

Mkakaia andenyi kwapo, na malagho ghapo ghikakaia andenyi konyu, mchalomba icho chose mkundagha nenyo mchanekwa.

Inyo ndemorenisaghueghe ini anduangi, ela ni ini neremsaghueghe inyo, na kumduma mwende muve matunda, matunda ghiduagha; eri icho chose mchaalomba kwa Aba kwa irina japo umneke.

Ndekuwadie lukundo lungi luchumbie ulu, lwa mundu kujifunya irangi jake kwa wundu ghwa waghenyi wake.

Uo wadainja kula lumbashu andenyi kwapo lusevagha matunda, na kula lumbashu luvagha matunda wadaluboisa luchurie kuva matunda.

Ughu nigho momu ghwapo, mkundane mmbeni na mmbeni sa iji koni nimkunde.

Aba uchakaswa mkava matunda mengi, nenyo mchawoneka kukaia moko wanughi wapo.

“Ini ne mzabibu ghwa loli, na Aba nuo mlimi waro.

Mndungi usekaiagha andenyi kwapo, wadadaghwa shighadi sa lumbashu, nao waoma. Mbashu sa iro radasholwa rikumbo modonyi na kukorwa.

“Namghoria malagho agha, eri kuboilwa kwapo kukaie andenyi konyu, na kuboilwa konyu kukate.

Iji mwaiwadia memu yapo mchakaia andenyi ya lukundo lwapo; wokoni seji ini niiwadie memu ya Aba na kukaia andenyi ya lukundo lwake.

Kwa huwu momu ghwapo konyu ni ughu: mkundane mmbeni na mmbeni.

Ngera modeeka wandu wa wurumwengu, kumangu wurumwengu ghwamkunda sa wandu wake; ela kwa kukaia neremsaghueghe kufuma wurumwengunyi, niko mseko wa wurumwengu; kwa wundu ughu, wurumwengu ghwazamilwa ni inyo.