Popular Bible Verses from KUZOYA 21

ಹಂಚಿಕೊಳ್ಳಿ

BWANA ukamchea Sara sa iji koni oreghorieghe, na kum'bonyera Sara sa iji koni orelaghirieghe.

Mlungu ukachisikira kililo cha mwana, na malaika wa Mlungu ukammbanga Hagari kufuma mlungunyi ukighamba, “Niki chikujishagha wasi Hagari? Kusakeobua angu Mlungu wameria kusikira kililo cha mwana andu uko. Wuka kummbusire mwana kummbwadie mikonunyi kwako, angu nicham'bonya uo ukaie mbari mbaa.”

Nao Sara ukapata kifu, ukamvaia Abrahamu mwana wa womi ngelo ya wughosi ghwake, kwa kimu chija cheni cherelaghiriloghe ni Mlungu.

Nao Sara ukaghamba, “Mlungu wanibonyera iseko, kula mundu uchaasikira uchaseka andwamweri nani.”

Nao Mlungu ukamzera Abrahamu, “Kusakezamilwa kwa wundu ghwa mwana na uo muka wako mzumba. Ijo jose Sara uchaakuzera kujibonye, bonya wokoni; angu kivalwa chako chichawangwa kwa Isaaka.

Na uja mwana wa muka mzumba nicham'bonya ukaie mbari, angu nao moni wori ni mwana wako.”