Popular Bible Verses from Matiyu 24

ಹಂಚಿಕೊಳ್ಳಿ

Ka ruu vuu shi kpang ɓɔɔ naa shangkɛ ɓɛɛ, zang naa kasɛ ruu zɔɔ tɔ̀ɔ́ dɔɔli kpang. A zang ɓɔɔ nɛɛ naa mã danggn sasak, wukɔ naa wɔrɛ.

Zang naa rang zang koolaa keɓe Ruu Tɔ̃ɔ Kpanti Laa ditɔ nandon, tɔɔ zang ɓɔɔ ka rɛɛ tipi ɓɔɔ ka koo keɓe ri tãa ruu ɓɔɔ niizang kati. Tɔ̀ɔ, koo keɓe wu naa waa nyaa kati.”

Nɔɔ ti naa tãlɛ nyaa sĩiri tanang ditɔ nɛɛ ruu sĩiri ɓɔɔ zang kɔɔrɔ ɓɛɛ. Nɔ́ɔ kaa vɔrɔ kpang, vuu keɓe a ɓi katɔ, a ɓi gn diki ɓɔɔ koo waa nyaa kagn ɓɛɛ kpang.

Zang tipi ɓɔɔ naa gaa nyaa ditɔ nɛɛ zang tipi ɓɔɔgn. Kpanti ɓɔɔ ti naa gaa nyaa ditɔ nɛɛ Kpanti ɓɔɔgn. Nyɔkɔ bang, nɛɛ tipi ruutunang, ri ti naa nwang ditɔ ka tipi koo dɔɔli. Vuu keɓe piti, ɓi doo jĩng dannang gaayu naa ɓɔɔ jaa gaa zang soro yuu kɔnang ɓɛɛ.

Lapa nɛɛ tipi ri naa shaarɛ ditɔ nandon, a ruu mɛɛ shaarɛ ɓi kpang.

Ka ruu ɓɔɔ, zang dɔɔli naa a nɛɛ nung mɛɛ, nɛɛ rikɔ Kirisi ɓɛɛ. Ri naa nwãarɛ zang dɔɔli.

“Zang ti naa yiki nɔɔ ditɔ, zang a zang ɓɔɔ ri dang nɔɔ jĩng, tɔɔ ri nyɔ nɔɔ vɔrɔ kati. Zang koo keɓe piti naa bɛ̃ɛ nɔɔ ditɔ ka ruu nung mɛɛ. Ka diki kaɓa, zang dɔɔli ri naa yaa danggn ɓɔɔ ri shing ka bii Kpanti Laa ditɔ. Ri naa kasɛ ruu zɔɔ takpang, ri naa malɛ yuu zɔɔ ditɔ. Zang ɓɔɔ ri suu sèé nɛɛ ri zang nyaa shonang Laa, ri naa arɛ ri nwãarɛ zang dɔɔli.

A Yeesɔ kasɛ ri nyaa tɔɔ, “Nɔɔ gãng jĩng kagn, zang ɓɔɔ wu nwãarɛ nɔɔ kpang.

Ka ruu nɔngkɔ, nɔɔ gãng jĩng kagn, ka ruu ɓɔɔ, Jaa Shɔnzang a ka làa ɓɔɔ nɔɔ shing danggn manɛ kpang ɓɛɛ.

“Ka ruu nɔngkɔ, nɔɔ gãng jĩng kagn, ka ruu ɓɔɔ, nɔɔ zi diki ɓɔɔ Kpanti manɛ a kagn kpang ɓɛɛ.

“Zang gbete ɓɔɔ zi diki, nɛɛ laa ɓɔɔ n gbãayu kagn kpang. Zang nyaa shonang Kpanti Laa ɓɔɔ ka lapa, nɛɛ n ɓɔɔ n Jaa Laa piti, ruu zi kpang, ɓi Kpanti Laa kɔ zi gbete.

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Diki ɓɔɔ Jaa Shɔnzang naa a kagn, nwang naa diki ɓɔɔ Nuhu nwang kagn ɓɛɛ. Ka diki ɓɔɔ mii lapa bang a gn kpang, zang shaa vuu shaanang, zang ɓoo ɓɔɔ ɓoonang, zang gee soro, a zang ti á zang wujɛ soro ɓarɛ, zang shingnɛ. Ri palɛ nɔngkɔ sasak, Nuhu naa daa nɔng ka yeti Laana. Ri zi vuu ɓɔɔ a nɛɛ knti kpang. A mii lapa bang naa arɛ, see ri nandon. Diki ɓɔɔ Jaa Shɔnzang naa arɛ nwang doo nɔngkɔ.