Popular Bible Verses from Matiyu 19

ಶೇರ್

Yeesɔ pɛ̃ɛrɛ ri, a kɔɔ ri tɔɔ, “Vuu keɓe shɔnzang zunung palɛnang kpang, a Laa zunung vuu piti palɛnang ɓi katɔ.”

Ka ruu nɔngkɔ, ri tɔ̀ɔ́ ziti kpang, ri kaa gbete. Vuu ɓɔɔ Kpanti Laa nɛɛ ɓakɛ tɔ, shɔnzang wu basɛ takpang.”

Yeesɔ kasɛ ri nyaa tɔɔ, “Nɔɔ gã gngn nɛɛ Laa ɓɔɔ mã́a zang ka tĩng tɛ̃ɛ tɛ̃ɛ, mã́a ri, zang varɛ nɛɛ zang soro kpang ya?” Yeesɔ kɔɔ ri tɔɔ, “Ka ruu nɔngkɔ, zang varɛ yaa niiɓɛ nɛɛ diiɓɛ, ɓakɛ zɔɔ nɛɛ soro ɓiɓɛ ri ziti keɓe ri nwang kaa bii gbete.

Yeesɔ kɔɔ ri nɛɛ, “Nɔɔ yaa wujɛ seseere ka nɔngkɔ ri a ka bii mɛɛ. Nɔ́ɔ nɔ̀ɔ ri gbalang kpang. Kpanti roonang Laa ɓi ɓɔ̀ɔ́ zang ɓɔɔ naa weɓe kɔ.”

A zang dɔɔli ka teteng zang kɔ ri ka tĩng kãntang keɓe, kɔ naa waa nyaa knti. Zang kɔ ri ka knti kãntang keɓe, kɔ naa sɔɔ zang tĩng kaa jong.”

Zang piti ɓɔɔ yaa gãa ɓiɓɛ, nɛɛ ɓeezung, nɛɛ ɓeenaa, nɛɛ diiɓɛ, nɛɛ niiɓɛ, nɛɛ wujɛ ɓiɓɛ, a ɓɔɔ tipi jaa lannang ɓiɓɛ, ka ruu mɛɛ, naa walɛ vuu ɓɔɔ wu yaa ɓɛɛ ditɔ dakn laa maani. Ti walɛ suru bii ɓɔɔ waa nyaa kpang ɓɛɛ katɔ.

A Yeesɔ kɔɔ wu tɔɔ, “Mɔɔ nɛɛ kasɛ nɛɛ mɔɔ nwang zang ɓɔɔ vuu shi kpang ɓi ka bii ɓiɓɛ gbete kpang, ka tĩng Laa, dita mɔɔ daa mãlɛ́ vuu naa ɓaaɓɛ nandon, mɔɔ basɛ zang ɓɔɔ vuu ka naa ɓarɛ kpang saka vuu ɓɔɔ mɔɔ malɛ ɓɛɛ kati. Mɔɔ naa walɛ vuu naa ditɔ ka lapa. Tɔ̀ɔ, mɔɔ arɛ mɔɔ dũng m.”

A Yeesɔ kasɛ wu nyaa tɔɔ, “Mɔɔ hɛ̃ɛ m ruu vuu ɓɔɔ tɔ̃ɔ ka ruu viya? Laa kɔ tɔ̃ɔ gbete. Mɔɔ nɛɛ kasɛ suru bii ɓɔɔ waa nyaa kpang, dũng nyaa ɓɔɔ Kpanti Laa dang ɓɛɛ.”

N kɔɔ nɔɔ tɔkn, daanang zang ɓɔɔ vuu naa ɓarɛ kagn ka nɔng ɓɔɔ Laa roo kpanti, kpãa nyaa ɓa ɓɔ̀ɔ vuu vaa ɓɔɔ zang ɓaa nɛɛ hòlòng ɓú nɛɛ yeng shɔng fɔ̃ɔrɔ ɓɛɛ katɔ.”

Ka ruu nɔngkɔ, naa shɔnzang hing soro ɓiɓɛ naa wu ka ruu ɓɔɔ, roo nɛɛ zang varɛ ɓɔɔgn ɓɛɛ kpang, a shing soro ɓɔɔgn, zang keɓe palɛ ɓi dũndũng nɛɛ soro ɓɔɔgn ɓɔɔ wu shing ɓɛɛ.”

Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “N kɔɔ nɔɔ ruu ɓɔɔ niizang kɔ nwani, daanang zang ɓɔɔ vuu naa ɓarɛ kagn ka nɔng ɓɔɔ Laa roo kpanti, naa kpãa dɔɔli.