Popular Bible Verses from Semtilbu 28

ಶೇರ್

Chule vetan, Keiman nangma kaumpinai, chule nachena chana kachintupma, hiche gama hi kahin nungpui kitding nahi; ajehchu nahenga kasei hi kamolso masangsen nangma dalhapong kate.

Chuin vetan, chuche vuma chun Pakai adingin, Keima hi Pakai, napu Abraham Pathen, chule Isaac Pathen chu kahi; nalupna gamhi nangma le na chilhahte henga kapeh ding ahi, ati.

Chuin Jacob a-ihmutna konin ahung khangdoh-in; chule aman, Hiche mun'a hin Pakai aum monge; hichu keiman kana hetlou ahi, ati.

Chuin Jacob'in kitepna aneijin, Pathen'in eiumpia, kachena lampia hi eichintupma, nehding changlhah le kivon nading sil le chen eipeh-a, Hitia chu kapa in'a lungmong tah-a kahung kilekitna ahile, Pakai chu ka Pathen hiding ahi. Chule hiche song khoma katun hi Pathen In hiding; chule nangman neipeh jouse-a kona hi somakhat thonlou hela kapeh ding nahi, ati.

Chule nachilhahte chu leisetna leivuijat hung hintin, chule nangma lhumlam le solama, chule sahlam leh lhanglama naki thejao ding ahi. Chule nangma le nachilhahte-a kona vannoi'a namtin phattheiboh chang dingu ahi.

Chuin aman chumun chu Bethel asah tai. Ahin atila chu chuche khopi chu Luz anakisah ahi.