Popular Bible Verses from लू‍कस 18

ಹಂಚಿಕೊಳ್ಳಿ

येसुस तंग्‍है चेलर गे मल हेन्‍दवारना ती सगरोम गोहरारते र'अना र'ई इदन तेंगा गे ई जोक्‍खा ख़ीरिन तिंगियस।

होले एन्‍देर धर्मेस तंग्‍है चज्जिका आलारिन नॆ उल्‍ला माख़ा आसिन गोहरारते र'अनर आर गे नेंव‍ई तिजाम मल ननोस का? एन्‍देर आस आर ही पत्त नू दिरी ननोस का? ऎन निमन ब'अदन, आस लॆम आरिन नेंव‍ई ननोस। अन्नु हूँ मनवा ख़द्दन ऎन इकला फिन बर'ओन, आ बारी ख़ॆख़ेल नू एंगन पत्त'ऊ आलारिन ख़क्‍खोन का?”

आस आरिन बाचस, “आलर ती गा ईद मना पुल्ली, लिकिन धर्मेस ती ईद मनो दिम।”

जोक्‍क उल्‍ला गूटी गा आस अदिन मल मेंजस, लिकिन ख़ॊख़ा तान तानिम बाचस, ‘ऎन धर्मेसिन मल एल्‍चदन अरा आलारिन हूँ मल गदन'अदन। अन्नु हूँ ई रड़ियाही आली एंग्‍है गुसन रेंघ'ई, अदगे ऎन अदिन नेंव‍ई ननोन, होले आद घड़ी घड़ी बर'ओ ती एंगन अम्‍बन ख़ड़द'आ।’”

ऎन निमन ओन्‍टा मानिम कत्‍था ब'अदन, एकासे ख़द्दर अयंग बंगर गे सोंपरनर, अन्नेम एका ओर्तर धर्मेस गे सोंपरनर आरिन दिम धर्मेस राजी ननोस।”

लिकिन येसुस ख़द्दारिन तंग्‍है गुसन मीख़ियस ती बाचस, “ख़द्दारिन एंग्‍है गुसन बर'आ चि'आ, आरिन अमा छेक'आ, एन्‍देरगेका नॆ इबड़ा ख़द्दर लेक्‍खा तमन किइय्‍या ननोर आरिन धर्मेस राजी ननोस।

येसुस आसिन बाचस, “ऎरा हो'आ, नीन उजगारकय एन्‍देरगेका नीन एंगन पत्ताचकय।”

ख़ने येसुस आसिन बाचस, “नीन एंगन बॆस एन्‍देरगे ब'अदय?, धर्मेसिन अम्‍बरकी नॆ हूँ बॆस मलकर। नीन सोचदय का ऎन धर्मे हिकदन?