Popular Bible Verses from लू‍कस 16

ಶೇರ್

एकास जुक्‍की नू पत्त'अना जॊगे र'अस आस बग्‍गे नू हूँ पत्त'अना जॊगे र'अस, अरा एकास जुक्‍की नू उजगो मल र'अदस आस बग्‍गे नू हूँ उजगो मल र'अदस।

एका जॊंख़स हूँ ऎंड़ उर्बर ही सुसर नना पोलदस। आस गा ओर्तासिन हींड़'ओस अरा नन्नासिन चोन्‍हा ननोस, महले ओर्तस गने मेस्रका र'ओस अरा नन्‍नासिन ख़ाँड़'ओस। ई लेक्‍खम नीम धर्मेसी अरा ख़ॆख़ेल ता खुर्जी ही सुसर नना पोलदर।”

औंगे नीम ख़ॆख़ेल ता खुर्जी नू पत्त'अना जॊगे मल र'अदर होले नॆ निमन मेर्ख़ा ता मानिम खुर्जी नू पत्त'ओर? अरा नन्नर ही जिनिस गुट्ठी नू नीम पत्त'अना जॊगे मल मन्‍दर होले एकाद निम्‍है र'ई अदिन निमा नॆ चि'ओ?

लिकिन अब्राहमस आसिन बाचस, ‘मूसासी पॆसका अरा धर्मेसी कत्‍था तिंगुर ही पुथी गुट्ठिन मल मेनोर होले, नीक‍इम केचका ती उज्‍जा चो'ओस ती आरिन तेंगोस होले हूँ आसिन मल मेनोर।’”

नीक‍इम तंग्‍आलिन अम्‍बदस ती नन्ना बेंज्रदस, आस नन्ना आली गुसन काना ही पाप नन्‍दस। अरा एकास अम्‍बरका आलिन बेंज्रदस आस हूँ नन्ना आली गुसन काना ही पाप नन्‍दस।