Popular Bible Verses from यॊहनस 14

ಶೇರ್

ऎन निमा गे कोड़े चि'अरकी कादन, एंग्‍है कोड़ेन चि'अदन। ख़ॆख़ेल चि'अना कोड़े लेक्‍खा ऎन मल चि'अदन। औंगे नीम अमके उकुल बुकुल मना, अरा नीम अमके एल्‍चा।

येसुस आसिन बाचस, “डहरे अरा मानिम अरा उज्‍जना ऎनिम हिकदन। एंग्‍है त्रु बिगर नॆ हूँ बंगस गुसन काला पोलनर।

येसुस तंग्‍है चेलारिन बाचस, “निम्‍‍है जिया उकुल बुकुल अम्‍बो मना। धर्मेस मइय्याँ पत्त'आ, एंग्‍है मइय्याँ हूँ पत्त'आ।

लिकिन सालत'उस, नेम्‍हा बॊलतस नॆकन बंगस एंग्‍है नामे ती तइय्योस, आस निमन उर्मी कत्‍थन सिखाब'ओस अरा एंग्‍है आनका उर्मी कत्‍थन निमन सुरता नन्‍त'ओस।

नॆ एंग्‍है पॆसका गुट्ठिन इंझ्रदस, अरा अबड़न मनदस, आस दिम एंगन चोन्‍हा ननू र'अदस। नॆ एंगन चोन्‍हा नन्‍दस आसिन एम्‍बस चोन्‍हा ननोस। अरा ऎन आसिन चोन्‍हा ननोन ती एंगन आस गे दहदर ननोन।”

अरा ऎन बंगस गुस्‍ते ने'ओन, अरा आस निमा अउर ओन्‍टा सालत'उसिन चि'ओस। आस सगरो निम्‍है गने र'ओस। आस दिम उर्मी मानिमन दहदर ननू नेम्‍हा बॊलतस हिकदस। आसिन ई ख़ॆख़ेल ता आलर मल इंझर'ओर, एन्‍देरगेका आर आसिन मल ऎरनर महले आसिन बलनर। लिकिन नीम आसिन अख़दर, एन्‍देरगेका आस निम्‍है गने उज्‍जदस अरा निम्‍है नू र'ओस।

अरा नीम एंग्‍है नामे ती इन्द्रिइम ने'अदर‍, अदिन ऎन निमा गे ननोन। ख़ने बंगासी महबा ऎन ख़द्दस ती दहदर मनो। नीम एंग्‍है ती एंग्‍है नामे ती इन्द्रिइम ने'अदर होले, अदिन ऎन निमा ननोन।

नीम एंगन चोन्‍हा नन्‍दर होले, नीम एंग्‍है पॆसका गुट्ठिन मन'ओर।

एम्‍बासी एड़पा नू ढ़ॆर बग्‍गे र'आ गे अड्डा र'ई, अन्ने मल रहचका होले, ऎन निमन बाचका र'ओन दने। ऎन असन निमा गे ओन्‍टा अड्डा सपड़'आ कालदन।

ऎन असन कालरकी निमा गे ओन्‍टा अड्डा सपड़ारका ख़ॊख़ा, अउरिम बर'ओम ती नीम एंग्‍है गने र'आ गे निमन हो'ओन क'ओन। ख़ने ऎन एसन र'ओन असन नीम हूँ र'ओर।

तॊमस येसुसिन बाचस, “उर्बायो, नीन एसन कालदय ऎम बल्‍दम। होले अदही डहरेन ऎम एकासे अख़'ओम?”