Popular Bible Verses from THILTHAWHAI 5

ಶೇರ್

Nisienlakhawm, Peter le tirkohai chun, “Mihriem thu nêkin Pathien thu kan zâwm lem ding a nih.

Chun, ni tin Pathien biekina le anni inahai, “Isu chu Krista a nih,” tiin inchûktir le hril an ma nawh.

Nisienlakhawm, Peterin, “Anania, Thlarau Inthieng hlêm ding le, hnuoi man a ṭhen ip dingin iengdinga Setanin i lungril a suksip am a na? A um sûng po khan i ta a ni zing a ni naw am a nih? I zawr hnung khawm khan a man chu i thu thua um a ni naw am a nih? Iengdinga hieng thu hi i lungrila i ngaituo am a na? Mihriem hlêm i ni naw a, Pathien kuoma khêl hril i ni lem,” a ta. Chun, Anania chun chuong thu chu a hriet phingleh a tlu a, a thi ta a; chun, a hre taphawt chun an ṭi ta bêk bêk a.

Chuleiin, tuhin ka ti cheu hi, hieng mihai hi tâwk naw unla, um el raw hai se; hieng an thil thaw tum le an thilthaw hi mihriem ithaw suok el a ni chun bohmang a tih; amiruokchu, Pathien ithaw suok a ni chun anni sukbohmang thei naw ti niu; chuong naw chun, Pathien do ni hlau rawi in tih,” a ta. Chun, a hril chu rem an ti ta a.