Popular Bible Verses from MATTHAI 5

ಹಂಚಿಕೊಳ್ಳಿ

Minih mei-in vângin kho in an khuh bal lo, innchung i a ummi vialte a ceuh hna nâkhnga a chiahnâk ah an chiah tawn. Cubangin nan ceunâk cu mi hmaiah ceu seh law nan tuahmi ṭhatnâk kha an hmuh lai i van i a ummi nan Pa kha an thangṭhat lai.

“Vawlei ceunâk nan si. Tlângcung tlakmi khua cu thuhkhawh a si lo.

Lungthin a thiangmi cu mithluachuak an si, zeitintiah Pathian an hmuh te lai.

Dinnâk i rawlṭâm tihalmi cu mithluachuak an si, zeitintiah khim tein an um te lai.

Asinain kei nih cun, nan ral va daw hna u law, chiat an serhtu kha thluachuah va pe hna u, an huatu hna caah ṭhatnâk tuah u law, an diriamtu hna le serhsattu hna caah thlacam u

“Thlarau in sifakmi cu mithluachuak an si, zeitintiah vanbawi pennâk cu anmah ta a si.

Daihnâk sertu cu mithluachuak an si, zeitintiah Pathian fa tiah kawh an si te lai.

Ngaihchiami cu mithluachuak an si, zeitintiah hnangam tein an um te lai.

Dinnâk ruang i serhsatmi cu mithluachuak an si, zeitintiah vanbawi pennâk cu anmah ta a si.

Zângfahnâk a ngeimi cu mithluachuak an si, zeitintiah zângfah an si ve te lai.

Keimah ruang i lih le thilṭha lo phunkip an in puh hna i serhsat le sikvelh nan tuar tikah mithluachuak nan si te lai. I lawm u law, i nuam tak tak ko u, zeitintiah vanah a nganmi nan ṭuanman a um, zeitintiah nanmah hlan i profet hna zong cubantukin an rak serhsat cang hna.

Lungnêmmi cu mithluachuak an si, zeitintiah vulei ro an co te lai.

“Vulei cite nan si; asinain cite hi a alnâk a loh ahcun, zeitindah alter a si khawh ti lai? Hlawnh i lamh ding sawhsawh dah tilo san a tlai ti lo.

Cucaah van i nan Pa a tlin bantukin nannih zong nan tlin ve awk a si.

Na chimmi bia cu a simi kha ‘asi’ ti law, a silomi kha ‘a silo’ ti ko. Cupin lei pauhpauh cu Misual pa sinin a rami a si.

‘Mit caah mit, ha caah ha, an ti nan rak theih bal cang’. Asinain kei nih cun misual ralchanh lo dingin kan chimh hna. Na orh lei biang an bengtu sinah khatte lei biang zong i chit rih.

Na orhlei mit nih an tlukter ahcun khoih law hlawnh, na pumpuluk, hremhmun i hlawnhnâk cha cun, na pum nge pakhat hloh cu na caah a ṭha deuh. Na orhlei kut nih an tlukter ahcun tan law hlawnh ko. Na pumpuluk, hremhmun i hlawnhnâk cha cun, pum nge pakhat hloh cu na caah a ṭha deuh.