Popular Bible Verses from Sant Ian 15

ಶೇರ್

Me eo ar winien, c’houi eo ar brancou. An hini a choum enoun, ha me enhan, hennes a zoug kalz a frouez; rag distag diouzin, na hellit ober netra.

Choumit enoun, ha me a choumo enoc’h. Evel na hell ket ar branc dougen frouez anezhan he‐unan, ma na choum ket stag ouz ar c’hef, evel‐se c’houi na hellit ket ken neubeud, ma na choumit ket enoun.

Mar choumit enoun, ha mar choum va c’homzou enoc’h, goulennit ar pez a garot, hag e vezo roet deoc’h.

N’e ket c’houi hoc’h euz choazet ac’hanoun, mes me eo em euz ho choazet, hag em euz ho lakeat, evit ma’z eot, ha ma tougot frouez, ha ma vezo ho frouez paduz; hag evit ma roio va Zad deoc’h kement a c’houlennot em hano diganthan.

Den e‐bed n’hen deuz brassoc’h karantez eged an hini a ro he vuez evit he vignoned.

Hen a lam kuit kement branc a zo enoun ha na zoug ket a frouez; hag a neta kement hini a zoug frouez, evit ma tougo c’hoas muioc’h a frouez.

He‐man eo va gourc’hemen, ma en em garot an eil egile, evel ma em euz ho karet.

Mar deuit da zougen kalz a frouez, neuze e vezo va Zad glorifiet, hag e viot va diskibien.

Me eo ar gwir winien, ha va Zad eo ar gwinienour.

Mar d’euz unan‐benag ha na choum ket enoun, taolet a vez er meaz evel eur branc, hag e teu da zizec’ha; ha goude e vezont dastumet ha taolet en tan, hag e tevont.

An traou‐man em euz lavaret deoc’h, evit ma choumo va joa enoc’h, ha ma vezo peur‐leuniet ho choa.

Mar mirit va gourc’hemenou, e choumot em c’harantez; evel ma em euz miret gourc’hemenou va Zad, hag e chouman en he garantez.

Ar pez a c’hourc’hemenan deoc’h, eo en em garet an eil egile.

Ma vijec’h euz ar bed, ar bed a garje ar pez a zo dezhan; mes dre n’ez oc’h ket euz ar bed, mes ma em euz ho choazet a‐douez ar bed, dre‐ze ar bed a deu d’ho kasaad.