Popular Bible Verses from Chivkeeb 3

ಹಂಚಿಕೊಳ್ಳಿ

Tug quaspuj pum has tas, tsob ntoo ntawd zoo nkauj hab tej txiv ntxim qaab kawg le, tsi yog le ntawd xwb, nwg xaav has tas, tej txiv ntoo ntawd tseem yuav ua rua nwg muaj tswvyim hab. Ces nwg txawm cev teg moog dle cov txiv lug noj. Nwg muab rua nwg tug quasyawg noj hab.

Naab yog ib tug kws ntse tshaaj txhua yaam tsaj qus kws tug TSWV kws yog Vaajtswv tau tsim huv tuabsi. Naab txhaj nug tug quaspuj has tas, “Vaajtswv yeej txwv kuas meb tsi xob noj txhua yaam txiv ntoo kws nyob huv lub vaaj nuav tag los?”

Kuv yuav ua kuas koj hab tug quaspuj nuav ua yeebncuab, nwg tug xeebntxwv hab koj tug xeebntxwv los yuav ua yeebncuab moog le. Nwg tug xeebntxwv yuav tsoo koj taubhau kuas ntsoog, hab koj yuav tum nwg lub laujtaws.”

Vaajtswv has rua tug quaspuj ntawd tas, “Kuv yuav tsub kev txomnyem rua koj thaus koj suab mivnyuas hab tsub kev mob rua koj thaus koj yug mivnyuas. Txawm yog le ntawd los koj tseem xaav nrug koj tug quasyawg ua txwj nkawm, tabsis nwg yuav tswjfwm koj.”

Koj yuav ua teb khwv lub fws nrug, koj txhaj tau noj moog txug thaus koj rov moog rua huv cov aav kws koj tawm lug. Kuv muab aav lug puab koj, hab koj yuav rov moog ua aav dlua.”

Vaajtswv has rua Adaas has tas, “Tub yog vim koj noog koj tug quaspuj lug hab noj cov txiv ntoo kws kuv txwv tsi pub koj noj. Vim koj tau ua le ntawd aav txhaj raug foom tsi zoo. Koj yuav tau siv zug khwv moog taag simneej koj txhaj tau noj tau haus.

Vaajtswv nug has tas, “Leejtwg has rua koj tas koj labqaab? Tsi yog koj noj tsob txiv ntoo kws kuv txwv tsi pub koj noj lawm los?”

Thaus Vaajtswv muab tug txivneej ntawd ntab tawm lawm, Vaajtswv tso ib cov qhelunpees tuav ib raab ntaaj nplaim tawg kws tig tau moog rua txhua phaab lug zuv lub Vaaj Edees saab nubtuaj, tsi pub leejtwg moog ze tsob txiv ntoo kws cawm tau txujsa.

Adaas tis nwg tug quaspuj npe hu ua Evas, rua qhov Evas yog txhua tsaav tuabneeg leej nam.