Popular Bible Verses from Yozhanq Saw 14

ಹಂಚಿಕೊಳ್ಳಿ

“Gou louz gij bingzan gou nyok hawj faenhsou. Gou nyok bingzan hawj faenhsou hih caeuq gij vunz nyok hawj faenhsou hih bingzan mbouj doxdoengz. Faenhsou gaejyungh you, caemh gaejyungh lau.

Yehsuh dingq le, han naeuz: “Gou couh dwg roen, dwg saedsaeh, dwg mingh; hauhnaeuz mbouj dunghgoq gou, mij'z vunz ndaej bae daengz daxboh mwnq.

Yehsuh gangj daengz dineix le, vanzlij caiq doiq gyoengq lwgsae de naeuz: “Faenhsou gaejyungh you; ij sinq Cangqdiq, caemh ij sinq gou.

Hoeng, ndaej bang vunz dih Hoenzsaenz, couh dwg daxboh vih gou hwj ij baij daeuj hih Hoenzsaenz, de ij dawz sojmiz hih saeh cungj naeuz sou ni liux, vanzlij hawj faenhsou ndaejgeiq gou doiq faenhsou soj gangj hih.

“Famz dingq gij mingqlingq gou, caemh ciuq gij mingqlingq gou bae guh hih, couh dwg aiq gou hih vunz lo. Aiq gou hih vunz, boh gou caemh aiq de; gou caemh aiq de. Mbouj danhcij yienghneix, gou vanzlij yienh hawj de raen.”

Yiengq gou couh gouz daxboh, gouz de baij daixlingh boux ndaej bang he daeuj hawj faenhsou, daeuj seiqseiz caeuq faenhsou youq. Boux neix couh dwg heuh miz saedsaeh dih Hoenzsaenz. Aen seiqgyaiq neix hih vunz mbouj ndaej couh de, aenvih gyoengqde yawj mbouj raen de, caemh mbouj rox de. Hoeng, faenhsou rox de hah, aenvih de siengzseiz caeuq faenhsou youq, caemh ij doz youq gwnz ndang faenhsou.

Hauhnaeuz faenhsou hij gij coh gou ma gouz, mboujguenj gouz gijmaz, gou cungj dapwngq hawj faenhsou gijmaz. Yienghneix gou guh lwg hih couh ndaej hawj boh najrongh lo. Hauhnaeuz faenhsou hij gij coh gou ma gouz hih, gou cungj dapwngq hawj faenhsou.”

Yehsuh vanzlij caiq doiq gyoengq lwgsae de naeuz: “Hauhnaeuz faenhsou aiq gou nex, couh ij wnggai soenhsouj gij mingqlingq gou.

Youq ndaw ranz boh gou miz haujlai mwnq youq; hauhnaeuz mbouj miz, gou couh mbouj yienghneix naeuz lo. Gou ij bae mwnq cwnjbiq mwnq youq he hawj faenhsou.

Gou bae mwnq cwnjbiq mwnq youq he hawj faenhsou ndei le, gou couh dauq ma ciep faenhsou bae lo. Gou youq mwnqlaw, caemh ij hawj faenhsou youq mwnqlaw.

Gajlaeng gyoengq lwgsae ndaw de miz boux heuh Dohmaj he cam de naeuz: “Bouxcawj hax, gyoengqraeuz cungj mbouj rox mwngz ij bae mwnqlaw haem; ij baenz ndaej rox diuz roen mwnq hwj?”