Popular Bible Verses from Lizsij dih Gaihcij 3

ಶೇರ್

Yiengq, boux vunzbaz mwnq caemh raen gij mak gwnz go faex mwnq cix ndeiyawj, caemhcix lujnaeuz ndei gw raixcaix nwih, youhcaiq ndaej hawj vunz rox faenbied ndei caeuq yak he. De couh gig hozgyaez, couh mbaet roengzma gw. De caemh mbaet hawj goeng de gw; goeng de caemh gw lo. (Mwhde goeng de caemh youq henz de.)

Yehhozvaz Cangqdiq cauh hih sojmiz doenghduz, suenq duz ngwz ceiq ganvad. Duz ngwz cam boux vunzbaz mwnq naeuz: “Cangqdiq cingqcaen naeuz faenhsou, mbouj hawj faenhsou gw ndaw suen neix sojmiz hih mak haz?”

Gou ij hawj mwngz caeuq vunzbaz miz caeuz; doengh daih gajlaeng mwngz caeuq doengh daih gajlaeng de doxhaemzcaeuz. Doengh daih gajlaeng de hih boux he ij haih ndaek raeuj mwngz, mwngz caemh ij haih gij giujdin boux de.”

Yehhozvaz Cangqdiq caemh doiq boux vunzbaz mwnq naeuz: “Gou ij hawj mwngz mwh daiqndang he cix dwgrengz cix hojyouq; daengz mwh seng he, caemh ij in'in hojyouq hojyouq ij rai bae cij ndaej. Gannaeuz yienghneix lah, hoeng, mwngz vanzlij ciuqyiengh sij mbouj ndaej goeng mwngz; goeng mwngz caemh ijsiengj guenjciq mwngz.”

Mwngz ij guh hong hwj hanh riuz hanh roenx cij ndaej miz gw imq, itcig daengz rai roengz doem bae, aenvih mwngz dwg aeu doem ma cauh he, ij gvi hawj ndaw doem boiz.”

Yehhozvaz Cangqdiq caemh vanzlij doiq boux vunz mwnq, couh dwg boux heuh Yaqdangh mwnq, naeuz: “Mwngz gingqyienz dingq gij vah mehyah mwngz, caeg gw gij mak gou gimqcij mbouj hawj mwngz gw he! Yiengq, gij dieg ij vih mwngz hwj ngaiz souh daengz mang, mwngz caemh ij baenxseiq vunz cungj ij guh hong dwgrengz hwj cij ndaej daj ndaw reih sou haeujma hih gij gw.

Gajlaeng Yehhozvaz Cangqdiq naeuz: “Byawz naeuz mwngz ni mwngz loxgenz loxgangh lah? Dwg mbouj dwg mwngz gw gij mak gou gimqcij mbouj hawj mwngz gw he?”

Yehhozvaz Cangqdiq boenq boux vunz mwnq deuz le, couh baij geij boux cenmonz bajsouj he daj gwnzmbwn roengz daeuj, souj youq suen Ihdenq hih mbiengj baixdoeng, caemhcaiq coengq fag giemq he youq mwnq. Fag giemq neix ndaej cienq seiq fueng bat baih, caemhcaiq ndaej ok feiz he. Cangqdiq yienghneix guh couh dwg hen mbouj hawj vunz bae daengz go mak hawj vunz gw le mbouj rox rai mwnq.

Gajlaeng Yaqdangh an coh hawj mehyah de heuh Yaqvah (‘Yaqvah’ dwg ‘miz mingh’ dih iqswh), aenvih Yaqvah dwg daxmeh gij vunz lajmbwn.