Popular Bible Verses from MARIKO 12

ಹಂಚಿಕೊಳ್ಳಿ

Kowolji Jeso koleenji, “Ne po tai ko ni, ‘Ogaso ee Israel; Kiptaiyat Kamuktaindet ne Toroor nenyo ko Kiptaiyat agenge. Ak cham Kiptaiyat Kamuktaindet ne Toroor neng'ung' eng' muguleldang'ung' komugul, ak eng' saboondang'ung' komugul, ak eng' ng'omnateng'ung' komugul, ak eng' kimnateng'ung' komugul.’ Ne po aeng' ko ni, ‘Cham chiitap kokweng'ung' ko uu ole ichamdoigei. Ma miitei ng'atuutyet age ne oo kosiir chu.’ ”

Ak kiguur kasubikyik anyun kobwa ole mi ineendet ak koleenji, Amwaiwok iman ale, Kagonde mosogani panan che siirei che kagonde piik tugul che indoi tuguukwak ole kiyumjin: amu kagonde icheek tugul che po chaang'indap tuguukwak; ago kagonde ineendet che po panandanyi, tugul che katinyei, agot che kosabe.

Ak kitep kotokyigei ole kiyumjin tuguuk che kigoitoi, kogeer ole indoitoi tuiyet sendeisyek ole kiyumjin: ak ki inde mogoreek alak sendeisyek che chaang'. Ak ki nyo mosoget age ne kibanania, ak konde sendeisyek aeng', che aechin ak chepkondet agenge.

ak ngo cham ineendet eng' muguleldo komugul, ak eng' kaguiyet komugul, ak eng' kimnateet komugul, ak ngo cham chiitap kokwet ko uu ole chamdogei, kosiirei nooto kagoochinoik tugul che kibeelei ak tiseiywek.

Ak ki leenji `Jeso, “Ogoochi Caesarea tuguuk che po Caesarea, ak ogoochi Kamuktaindet tuguuk che po Kamuktaindet.” Ak ki kwong'yo miising' agobo ineendet.