Popular Bible Verses from LUK 7

ಶೇರ್

Delok legape, ngo nolum podung, bíkke paabem bojéko maab bito kapeila bí airupe ayato. Idola séko bulum anyope maab bitodí de ayang anyolok ikai.” Delo Jisu bí mimedem poto, “Nokke paab kídíem maab tobong.”

Jisu bí mimedem poto, “Nokke míngkenge nom iturtoku; aipe gíka langku.”

Jisuke alem méélam danlo dagala kapdola, Jisuke alelo mimede agí miksiem tíllíkto. Delokrongem bí dem bíkke dumítlok títbín dola mumpupto, delokke tél nyooto.

Dekepe ikolokmin ngo agíete nokkíng aapenamem annyipe míísutone, idakkom agomko pobimílo ngokke béérang si ekeryéku. Kapeila ngo agíe ngompemílo botteyana migom rumkílo dung, delokke ngokke rumkí lokom sipayinge kadung. Ngo akonem, ‘gílangka’ emmílo bí gído, delokke ‘aalangka’ emmílo bí aabido. Ngo ngokke béérangem, ‘Sim ilangka’ emmílo bí dem ido.” Jisu bí dem tarí tannyope tatpala, bíkkíng gímín gena miludem kanggo sudola poto, “Nolum ngo podung, Israel aralokom bíkke kísana bottepe míngkeng kana kaapamang.”

Depe iduem Jisu bí kina ramnemlang urompe tumnem bojéko ipíla mingmana kídíemte bojéko ipítoku. Dekepe iname bí kotoki kídíem sikepe polík toku, “Gílangkula noluke kaanam tannamem Joanme pobi tokuka: ‘Mingmane migdar dungku, letu lebééne gídungku, tííd gena kídíe aikaku, ruubéne tatkaku, sinakídíe gerep kaku, delokke tatpona ngiitomem opan kídílo pogoodung.’