Popular Bible Verses from wandījo 9

ಶೇರ್

Hūna ū Mulungu ūhaya gīkī, “Ūlū h'ū lūmeng'ho lw'ilagane īlo nalībeeja ha gatī yane na a bing'we, nī shiseeng'wa pyī īsho shilī hamò ning'we; īlo līkūbiza kūlwa shibyalīlwe shose ū mu shikū ījo jiliza. Naatūūlaga ità lya baashi lyane ū mu malunde, īlo līkūbiza lūmeng'ho lw'ilagane ha gatī yane nī sī.

Būl'ikanza ūlū lichaamīka ità lya bashi ū mu malunde, nakūlībona nalizūkwe ī lilagane lya welelo bose, īlo līlīho ha gatī ya ng'wa Mulungu na shiseeng'wa shose sha būlī mbika.”

Ose ose ūyo wita mininga ga munhū, nang'hwe a mininga gakwe gakwitwa na munhū; nguno ū Mulungu akameeja ū munhū mu suso ya ng'wa Mulungu.

Hūna ū Mulungu ūmfuuha ū Noa na a bitūnja bakwe; ūbawīla gīkī, “Ibyalagi mukwīle muyokaje ī sī.”

Būlī shiseeng'wa shipanga īsho ng'anda ng'anda, shikūbiza shilīwa shing'we. Ūmo nakang'winhīla sha kūzwa shose, nī haha nang'winha pyī ī shose.

Pyī ī shiinū ja mu sī nī noni ja higūlya, nī ja kwigweesa ha sī, nī ndīlo; jikūng'ogoha na kūdetema. Jose pye jatūūlagwa mu makono ging'we.

Alīyo a bing'we ibyalagi gete, mukwīle no no no; ng'okale ū mu sī mubize bingī mo.