Popular Bible Verses from Mataio 21

ಶೇರ್

‘Āfai tou te fa‘atuatua, e maua lava e ‘outou mea uma tou te tatalo atu ai.”

‘Ua fetalai atu Iesu, “O le ‘upu moni ‘ou te ta‘u atu ‘iā te ‘outou, ‘āfai tou te fa‘atuatua e aunoa ma le māsalosalo, e lē gata ‘ina mafai e ‘outou le mea na ‘ou faia nei i le mati, ‘ae o‘o lava i le mauga lenei e mafai ‘ona ‘outou fai atu i ai, ‘ ‘Ia si‘itia oe ma lafoina i le sami,’ ‘ona usita‘i mai lava lea ‘iā te ‘outou.

Sa ‘alalaga fiafia tagata na muamua i ona luma ma ē na mulimuli atu, ma fai ane, “Osana i le Alo o Tavita! ‘Ia fa‘amanuiaina lē ‘ua maliu mai i le suafa o le Ali‘i! Osana i mea aupitoaluga.”

‘Ua fetalai atu fo‘i o ia ‘iā te i latou, “ ‘Ua tusia, ‘E ta‘ua lo‘u fale o le fale tatalo,’ a o lenei ‘ua ‘outou fa‘aaogāina e fai ma mea e nonofo ai tagata faomea.”

“Fai atu ia i le ‘a‘ai o Siona, ‘Ua afio mai lou tupu ‘iā te oe, e agamalū o ia, o lo‘o ti‘eti‘e i le asini, o le tama‘i asini fo‘i.”

‘Ua fetalai atu Iesu ‘iā te i latou, “Tou te le‘i faitau ‘ea i le Tusi i ‘upu nei: ‘O le ma‘a na lafoa‘iina e tufuga fai fale, ‘ua ‘avea ma ma‘a tulimanu aupitoaluga. O le mea lenei ‘ua faia e le Ali‘i, a ‘ua ofoofogia tele i la tatou va‘ai!’

“O le mea lea ‘ou te fai atu ai ‘iā te ‘outou, e ‘ave‘esea le Mālō o le Atua mai ‘iā te ‘outou ma tu‘uina atu i ni tagata e mafai ‘ona maua mai ai ni fua.”