Popular Bible Verses from Mataio 19

ಶೇರ್

‘Ua silasila atu Iesu ‘iā te i latou, ma fetalai atu, “O le mea lenei e lē mafai e tagata, ‘ae mafaia mea uma e le Atua.”

O lona uiga ‘ua lē o toe to‘alua i lā‘ua, a ‘ua tasi lava. O le mea lea, o ē ‘ua tu‘ufa‘atasia e le Atua, ‘aua ne‘i fa‘atete‘aina e se isi.”

‘Ua fetalai atu Iesu, “Tou te le‘i faitauina ‘ea, o lē na faia mea uma i le amataga, na faia e ia le tane ma le fafine, ma fetalai ane, ‘O le mea lea e tu‘ua ai e le tane lona tamā ma lona tinā ‘ae fa‘atasi ma lana avā, ma ‘avea ai i lā‘ua ma tino e tasi.’

‘Ua fetalai atu Iesu, “Tu‘u pea tamaiti e ō mai ‘iā te a‘u, ‘aua le vavaoina i latou, auā e fa‘apei o i latou nei ē o i le Mālō o le lagi.”

‘Ae to‘atele i latou o lo‘o muamua nei o le a ‘avea ma mulimuli; e to‘atele fo‘i i latou o lo‘o mulimuli nei o le a ‘avea ma muamua.

O i latou fo‘i e tu‘ua fale po o uso, po o tuafafine, po o tamā po o tinā po o fānau, ‘ona o a‘u, e maua e i latou ta‘i sautuaselau ia mea; fa‘atasi ma le ola e fa‘avavau.

‘Ua tali atu Iesu ‘iā te ia, “ ‘Āfai ‘e te mana‘o ia ‘ato‘atoa lou lelei, alu e fa‘atau atu uma au mea ma foa‘i atu tupe ma tagata matitiva, ‘e te maua ai ‘oloa i le lagi; ‘ona e sau lea ma mulimuli mai ‘iā te a‘u.”

‘Ua tali atu Iesu, “O le ā le mea ‘e te fesili mai ai ‘iā te a‘u e uiga i se mea lelei? E to‘atasi lē ‘ua lelei; peita‘i, a e fia maua le ola, usita‘i i poloa‘iga.”

‘Ou te toe fai atu fo‘i e sili ‘ona faigatā le ulu atu o se tagata mau‘oloa i le Mālō o le Atua, i lo le ulu atu o le kamela i le pū o le nila.”

O lenei la, ‘ou te fai atu ‘iā te ‘outou, a fa‘ate‘a e se tagata i lana avā o lo‘o fa‘amaoni ‘ae toe faiavā i se isi fafine, ‘ua mulilua o ia.”

‘Ona fetalai atu lea o Iesu i ona so‘o, “O le ‘upu moni ‘ou te ta‘u atu ‘iā te ‘outou, e matuā faigatā tele mo se tagata mau‘oloa ‘ona ulu atu i le Mālō o le lagi.