Popular Bible Verses from Luka 24

ಶೇರ್

‘Ou te ‘auina mai fo‘i ‘iā te ‘outou lē na folafolaina e lo‘u Tamā. A ‘ia ‘outou nonofo i le ‘a‘ai o Ierusalema, se‘ia maua e ‘outou le mana mai lugā.”

E lē o ‘i‘inei o ia, a ‘ua toetū mai. ‘Ia ‘outou manatua le mea na fetalai atu ai o ia ‘iā te ‘outou ‘ina o i Kalilaia o ia

‘Ona pupula ai lea o la mata ‘ua la iloa o ia; a ‘ua mou ‘ese atu o ia nai ‘iā te i lā‘ua; ‘ona fetautalatala‘i lea o i lā‘ua, “E le‘i mū ‘ea o ta loto i totonu ‘iā te i tā‘ua, ‘ina o fetalai o ia ‘iā i tā‘ua i le ala, ma fa‘amatala mai e ia o Tusi ‘iā te i tā‘ua?”

‘Ua fetalai atu fo‘i o ia ‘iā te i latou, “O le mea lenei ‘ua tusia: E tatau ‘ona puapuagātia le Keriso, ma toetū mai nai e ‘ua oti i le aso tolu, a tala‘iina fo‘i le salamō ma le fa‘amāgaloina o agasala i lona suafa i nu‘u uma lava e amata atu i Ierusalema.

‘Ua iloa e i latou le ma‘a ‘ua fuli‘esea mai le gutu o le tu‘ugamau, ‘ona ulu atu lea o i latou i totonu; a ‘ua le‘i maua e i latou le tino o le Ali‘i o Iesu.