Popular Bible Verses from Ioane 15

ಹಂಚಿಕೊಳ್ಳಿ

“O a‘u o le vine, o lālā ‘outou. O lē e tumau ‘iā te a‘u, ma ‘ou tumau fo‘i ‘iā te ia, o ia lava e fua tele mai; auā e lē mafai ‘ona ‘outou faia se mea e tasi pe a ‘ou lē i ai.

‘Ia ‘outou tumau ‘iā te a‘u, fa‘apei ‘ona ‘ou tumau ‘iā te ‘outou. E pei ‘ona lē fua o le lālā pe a na o ia, pe ‘āfai e lē pipi‘i i le vine, e fa‘apea fo‘i ‘outou, pe ‘āfai tou te lē tumau ‘iā te a‘u.

‘Āfai tou te tumau ‘iā te a‘u, a tumau fo‘i a‘u ‘upu ‘iā te ‘outou, o mea uma lava tou te ōle atu ai, e foa‘iina atu ‘iā te ‘outou.

Tou te le‘i filifilia a‘u; a ‘ua ‘ou filifilia ma tofia ‘outou, ‘ia ‘outou ō ma fua mai ni fua, ma ‘ia tumau ai pea o ‘outou fua; ‘ina ‘ia foa‘iina atu fo‘i ‘iā te ‘outou e le Tamā mea uma lava tou te ōle atu ai ‘iā te ia i lo‘u igoa.

E lē sili lava le alofa o se tagata i lenei alofa, ‘ia tu‘uina atu e le tagata lona ola e sui ai ana uō.

O lālā uma o ‘iā te a‘u e lē fua e sala‘eseina; a o lālā e fua, e teuteuina ‘ina ‘ia saga fua mai pea.

O la‘u poloa‘iga lenei, ‘ia ‘outou fealofani, fa‘apei ‘ona ‘ou alofa atu ‘iā te ‘outou.

E vi‘ia lo‘u Tamā i lenei mea, pe a ‘outou fua tele mai; ‘ona ‘avea ai lea o ‘outou ma o‘u so‘o.

“O a‘u nei o le vine moni, a o lo‘u Tamā o le galue vine o ia.

O lē e lē tumau ‘iā te a‘u, e lafoa‘iina o ia e pei o le lālā la‘au ma fa‘amagoina; ‘ona fa‘aputuina ai lea o ia lālā, ma lafo i le afi, ‘ua susunu ai.

“ ‘Ua ‘ou fai atu nei mea ‘iā te ‘outou ‘ina ‘ia i ai ‘iā te ‘outou lo‘u ‘oli‘oli, ia ‘ato‘atoa fo‘i lo ‘outou ‘oli‘oli.

‘Āfai tou te tausia a‘u poloa‘iga, ‘ona ‘outou tumau ai lea i lo‘u alofa; fa‘apei ‘ona ‘ou tausia poloa‘iga a lo‘u Tamā, ma ‘ou tumau i lona alofa.

‘Ua ‘ou fai atu ‘iā te ‘outou nei mea, ‘ina ‘ia ‘outou fealofani.

‘Āfai o ni tagata o le lalolagi ‘outou, po ‘ua alofa mai le lalolagi i ona tagata. ‘Ae lē ni tagata o le lalolagi ‘outou, a ‘ua ‘ou filifilia ‘outou mai le lalolagi; o le mea lea e ‘ino‘ino ai le lalolagi ‘iā te ‘outou.