Popular Bible Verses from Matai 7

ಶೇರ್

Lomba ye yo tapeswa kwa beno, sosa ye beno tamona, kunkuta ye yo takangulwa kwa beno.

Kadi konsonani ya lomba tabaka, konsonani ya sosa tamona, konsonani ya kunkuta yo takangulwa.

Sambu na yai, konso muntu ya kuwa mambu yai ya mono, ye sala yau; ikele mpilamosi bakala ya ngangu, ya tungaka nzo ya yandi va ditadi.

Sambu na yai, konso nki ya beno zola bantu kusadila beno, yina beno sadila bau mpe, kadi yai ikele nsiku ye bambikudi.

Kadi mwelo ikele fioti ye nzila ikele fioti ya twala ku moyo, kansi ndambu ikele kumona yo.

Kota mu mwelo ya fioti, kadi mwelo ikele nene ye nzila ikele nene ya kulumuka ku lufwa, ye mingi ikele kukota muna.

Buna kana beno ya ikele mbi zaba kupesa bana ya beno matabisi ya mbote, buna Tata ya beno, ya ikele mu zulu taluta kupesa bima ya mbote kwa bau ya lomba yandi ?

Fundisa ve, ye beno tafunduswa ve. Kadi na mfundusu ya beno fundisa, beno tafunduswa; ye kitezo ya beno teza yo tatezwa kwa beno.

Konso muntu ya kuwa mambu ya mono, ye sala yau ve, ikele mpilamosi bakala ya nzoba, ya tungaka nzo ya yandi va zelo.

Sambu ma nki nge mona kanti ya ikele mu disu ya mpangi ya nge, kansi nge tala ve nti ya nene ya ikele mu disu ya nge ? Keti nki mpila nge tatuba kwa mpangi ya nge: Bika mono katula kanti na disu ya nge, ye tala, nti ikele mu disu ya nge kibeni ?

Dikeba sambu na bambikudi ya luvunu, ya kwiza kwa beno mu mvwatu ya mameme, kansi nakati bau ikele bambizi ya makasi. Beno tazaba bau sambu na mabundu ya bau. Bantu ikele kubuka mabundu ya vinia na nti ya nsende, keti figi na matiti ya nsende ?

Mpilayai mpe, nti yonso ya mbote ikele kubuta mabundu ya mbote, kansi nti ya mbi ikele kubuta mabundu ya mbi.

Nti ya mbote lenda ve kubuta mabundu ya mbi, ye nti ya mbi mpe lenda ve kubuta mabundu ya mbote.

Konso nti ya buta mabundu ya mbote ve tazengwa ye loswa mu tiya.