Popular Bible Verses from Yoane 1

ಶೇರ್

Kansi yonso ya bakaka yandi, yandi pesaka bau ngolo kuvanda bana ya Nzambi, ikele bau ya kwikila mu nkumbu ya yandi.

Mu luyantiku Diambu vandaka, ye Diambu vandaka na Nzambi, ye Diambu vandaka Nzambi.

Mwini ikele kukienzula mu tombe ye tombe bakaka yo ve.

Diambu kitukaka nsuni, yo vandaka nakati ya beto, beto monaka nkembo ya yandi, bonso nkembo ya Mwana mosi kaka ya Tata, fuluka na nlemvo ye kieleka.

Bima yonso imene kusalwa na yandi, ye konda yandi, kima mosi salwaka ve, ya imene kusalwa. Mu yandi vandaka moyo, ye moyo yai vandaka mwini ya bantu.

Kilumbu ya landa, Yoane monaka Yesu kwiza kwa yandi, yandi tubaka: Tala, Mwana Dimeme ya Nzambi ya ikele kukatula masumu ya nsi.

Yandi vandaka mu nsi ye nsi imene kusalwa na yandi, ye nsi zabaka yandi ve. Yandi kwizaka kwa ya yandi, kansi bau ya vandaka ya yandi bakaka yandi ye.

Mwini yai vandaka mwini ya kieleka, yo kienzulaka bantu yonso ya kwiza mu nsi.

Kadi nsiku peswaka na Mose; nlemvo ye kieleka kwizaka mu Yesu Klisto.